Kamao sab og heavy drama

CEBU, Philippines — Aminado si Rhen Escano nga gumikan sa iyang pagpasexy sa “Adan” ug “Untrue” niadtong 2019, ni-irog ang iyang showbiz career ug inanay na siya nga nailhan sa publiko. Apan niini lang March, gideklara niya nga dili na siya magpa sexy gumikan kay seryoso na nga roles ang iyang gusto aron mapamatud-an nga aduna siyay ikabuga sa heavy drama.

Apan, subli siyang nagpasexy sa pelikula nga “The Other Wife” kauban sila si Lovi Poe ug Joem Bascom nga isalida pinaagi sa Vivamax sa Viva Films. Hinuon, matud pa PEP Troika, bisan nagpasexy si Rhen, napakita niya dinhi niining maong pelikula nga aduna siyay abilidad sa pag-arte. “Noon una talaga, na-feel ko na kailangan ko lumabas sa box, kasi for how many years, wala talagang nangyayari sa akin. Hindi ako naggo-grow.

“So, nung ginawa ko yung Adan at saka yung Untrue, dun ko na-realize na kailangan ko palang maging matapang talaga para ma-realize ko kung ano talaga yung kaya kong gawin,” nagkanayon si Rhen atol sa virtual presscon alang sa The Other Wife.

Kapin na sa dekada sa showbiz si Rhen. Gani nagkatrabaho na sila ni Lovi sa teleserye nga “Lip Gloss” sa TV5 niadtong 2009, ug sa “Legacy” sa GMA7 niadtong 2012.

Walay panagribal

Giklaro ni Paolo Gumabao nga wala silay sibling rivalry o panagkumpetensya sa iyang half-brother nga si Marco Gumabao bisan og managsama sila nga nalinya karon sa paghimo og sexy flms. Ang 22-anyos nga si Paolo, nitug-an nga tudluan pa gani siya sa 26-anyos nga si Marco unsaon paglahutay sa industriya. Si Paolo ang bida sa pelikula nga ‘Lockdown” diin may frontal nudity og sexy scenes siya sa babay ug lalaki. Ang maong pelikula iyaha sa For The Love of Arts Films ug ubos sa direksyon ni Joel Lamangan. Si Paolo nagsugod og artista niadtong 2015. Lakip sa iyang mga pelikula mao ang Haunted Mansion (2015), That Thing Called Tanga Na (2016), I Love You To Death (2016), ug Debutantes (2017). Usa siya sa mga mga bida sa iWant series nga Batang Poz (2019).

Kuyog diay sila

Nagkuyog diay sa Amerika ang taod-taod na’ng gidungog nga magka relasyon nga sila si Bea Alonzo ug Dominic Roque. Una niini, sa tagsa-tagsa nila ka mga IG accounts nag-upload sila og mga hulagway samtang naa sa eroplano ug pag-abot na sa Los Angeles airport. Apan ang kumpirmasyon nga nag-uban sila karon sa Amerika mao ang post sa usa ka airport personnel nga nagpapicture kang Bea, ug wala nakabantay si Dominic nga naapil diay siya sa hulagway sanglit nahimutang siya unahan og gamay sa likod sa aktres. Samtang daan na nga gibutyag ni Bea nga mobakasyon una siya sa Amerika, ug inig balik niya diretso na siya sa iyang mga projects isip bag-ong kapuso. Mga tulo siya ka semana didto sa Amerika.

Salamat, Kapuso

Nilugwa na gyud si Xian Lim sa GMA7 pinaagi sa TV special sa usa ka sikat nga online shopping platform nga gi-endorso ni Willie Revillame ug gipakita sa show niini niadtong Miyerkoles sa gabii. Nag-piano si Xian samtang giawit niya ang iyang version sa Eraserheads song “Pare Ko.” Human niini, nakigchika siya kang Jessy Mendiola nga guest host sab niadtong tungora. Gipangutana siya ni Jessy unsay iyang gibati nga naa na gyud siya sa GMA7. Tubag ni Xian: “GMA, maraming-maraming salamat. Wil, mula bata pa lang ako, e, tagahanga na ako. "Sa lahat ng Kapuso na nanonood ngayon, maraming-maraming salamat!" Ang tsika, senyales na matud pa kadto nga kapuso na si Xian sanglit siya ang leading man sa umaabot nga teleserye ni Jennylyn Mercado sa maong estayon.

Buwag gyud lagi...

Kumpirmadong nagbulag na sila si Aljur Abrenica ug Kylie Padilla. Si Robin Padilla, amahan ni Kylie ang nibutyag niini ngadto kang Ogie Diaz niadtong Miyerkoles. Third party sa habig ni Aljur ang giingong hinungdan. Duha kabuok ang ilang mga anak.

“Practice makes perfect”

Suma pa ni Lovi Poe sa exclusive interview sa PEP Live kaniya niining bag-o lang, sa kadaghan na niya’g nahimo nga kabit-kabit movies, nakakat-on na gyud siya sa pamaagi sa pagluib sa mga lalaki. “Naka-ilan na ako, practice makes perfect! At least, na-practice ko na siya, prepared ako! Alam ko na iyong mga hints, mga nangyayari, iyon iyong joke ko lagi. Pina-practice ako nito para walang mangyaring ganun!” Bida si Lovi sa pelikulang “The Other Wife” kauban si Joem Bascom ug Rhen Escano. Suma pa niya ngadto sa PEP, dili na gyud unta siya modawat og kabit-kabit movie, apan lahi kaayo ang istorya sa The Other Wife.

CocoJul plus JM…

Naghinamhinam ang mga fans nila ni Coco Martin, JM de Guzman ug Julia Montes sa posibilidad nga aduna silay umaabot nga proyekto, human ang bida sa teleserye nga “Init Sa Magdamag” nag-upload og hulagway nilang tulo kauban ang mga director nga sila si Erk Matti ug Richard Somes, ingon man ang mixed martial artist nga si Erwin Tagle. Sa IG account ni JM kini gi-upload niadtong Miyerkoles diin may caption kini nga, “Yes? Yes.” Gibutangan niya kini og  #LawOfAttraction. Excited ang fans ni Julia sanglit katapusan siya nga nakita sa telebisyon sa nilabay nga tuig pinaagi sa teleserye 24/7 nga nahunong gumikan sa pandemya, ug wala na makabalik sa ere human nawagtang ang prangkisa sa ABS-CBN.