Javi walang kalaban, Sue ‘Di swak ang sign sa karelasyon

Unopposed pala si Javi Benitez sa kanyang pagkandidatong mayor sa Victorias, Negros Occidental, ayon sa isang source.

Looks like sa pulitika na nga muna si Javi na president ng Brightlight Productions ng ama niyang si former Cong. Albee Benitez.

So hindi na kaya kailangang ikampanya ni Sue Ramirez si Javi?

Bukod sa magkarelasyon sila, si Sue ang leading lady ni Javi sa launching movie sana niyang Kid Alpha One, pero inabot ng pandemic kaya parang malabo na itong ipalabas sa mga sinehan though may option sa digital platforms.

At kung politics naman ang pinaghahandaan ni Javi, sunud-sunod naman ang trabaho ni Sue.

Bida siya together with JC Santos and JC de Vera sa Boyfriend No. 13 ng WeTV.

Isang romance novelist ang role ni Sue rito na nakadepende ang lovelife sa cards, stars, and her superstitious pero magkakaroon ng dilemma sa kanyang BF dahil no. 13 sa isang love triangle.

Pero in real life ay hindi siya masampalataya sa superstitious or cards, stars, horoscope lalo na nga at Cancerian siya at most incompatible sa zodiac sign ni Javi na Libra. ‘But in the end, tayo pa rin naman ang magde-determine ng future natin, regardless sa birth sign,” aniya sa ginanap na media conference ng Boyfriend No. 13 days ago.

Anyway, mapanood ang nasabing kilig series nila directed by John Lapus sa WeTV, beginning today.