“Time to dream a new dream”

CEBU, Philippines — Hingpit na nga gituldokan sa kanhi PBB housemate nga si Vickie Rushton ang iyang pangandoy nga mamahimong pambato sa nasud alang sa international beauty pageants.

Sa usa ka emosyonal nga IG post niadtong Biyernes, nagkanayon si Vickie nga nagtuo siya og nadawat na niya ang kamatuoran nga dili na gyud siya makahimo pa pagrepresenta sa Pilipinas ug nga natapos na gyud ang iyang pageant journey.

Nalakip sa mga kandidata sa Bb. Pilipinas 2020 si Vickie ug target niya nga maangkon ang Bb. Pilipinas-International title. Apan gumikan sa pandemya, nagsige og kasibog ang pageant, hangtud nga sa July 11, 2021 na gyud kini mapahigayon.

Apan kay nagsige og ka postpone ang national pageant, nilapas na sa age requirement si Vickie nga 18 to 28 years old alang sa international pageants. Baynte-nuwebe anyos na siya.

Ug niadtong Biyernes, gipahibawo sa BPCI ang pre-pageant activities, hinungdan nga nalab-as ang kasubo ni Vickie nga maoy nagtukmod niya pagmugna og emosyonal nga IG post.

“It finally sunk in that I am no longer part of it.

“Today, I found myself crying because I am still not ready to let go of this dream but I know I have to and I know God has better plans.” Tipik sa pamahayag ni Vickie.

Apan nagpaka positibo siya sa iyang panlantaw pinaagi sa pag-ingon nga panahon na aron magmugna og bag-ong mga damgo.

Si Vickie, nakoronahan nga Mutya ng Pilipinas niadtong 2011. Niadtong 2018, napili siya nga first runner-up sa Bb. Pilipinas pageant. Nibalik siya og salmot pagka sunod tuig diin nalakip siya sa Top 15 semi-finalists.

Pambagets ang unang project

Pormal na nga gipaila si Beauty Gonzales isip labing bag-ong kapuso pinaagi sa iyang virtual contract signing niadtong Biyernes.

Apan giklaro sa bida sa toprating teleserye sa ABS-CBN nga “Kadenang Ginto” kaniadto nga dili dali ang iyang nahimong desisyon, daghan matud pa nga mga gabii nga wala siya nakatulog naghunahuna.

“Naging mahirap sa akin. Ayokong maging plastic na sabihin sa inyo na napakadali para sa akin.

“It is hard and I had sleepless nights, thinking about it really hard.

"But with all the changes that’s happening right now, lahat naman ng mga nangyayari ngayon, ang dami nang changes.

"So, I realize na it’s time for a change and I need this change. I’m so lucky that they gave me this opportunity.”

Nagdumili si Beauty pagbutyag unsay una niyang proyekto sa GMA7. Apan nihatag og clue nga mga batan-on ang iyang mga makauban.

Nasayud sab siya nga daghang mo-bash niya niining iyang pagbiya sa ABS-CBN, apan mensahe ni Beauty, "I love you all. Thank you and come watch me on GMA.”

Nihangyo si Dennis

Nitingog na si Ogie Diaz nganong gitangtang niya gikan sa iyang Youtube channel ang second part sa iyang interview kang Dennis Padilla, ug kun nganong off ang comment section sa first part. Sa second part nahisgutan ang isyu kun gidungan ba ni Gerald Anderson sila si Bea Alonzo kaniadto ug ang uyab niini karon nga si Julia Barretto.  "No comment. Hindi, actually. Desisyon ko na rin yun. At the same time, tumawag din si Dennis sa akin na nakikiusap na baka pwedeng i-down ko yung part 2. Pinaninindiganan naman niya yun mga sinabi niya, pero hindi raw niya kinakaya na binabash yung anak niya, si Julia.” Pagpasabot ni Julia pinaagi sa iyang Showbiz Update vlog adtong Biyernes.

Mahal na mahal kita

Nag-upload og hulagway ni Jennica Garcia si Alwyn Uytingco sa nilabay nga adlaw ug nipadayag nga gihigugma niya ang iyang asawa. Mao ni ang labing unang higayon nga nagpost si Alwyn og hulagway ni Jennica human gidungog nga nagbulag na sila. Mensahe ni kanhi Ang TV member nagkanayon, Ang dami ko gusto sabihin. Pero hindi kayang ipaliwanag ng mga simpleng salita. Hindi ko ‘to gustong pahabain pa. Ang gusto ko lang malaman mo, at wag na wag mong kakalimutan.. mahal na mahal kita.

Balik alindog

Todo workout na karon si Janella Salvador aron mahibalik ang kanhi niya lawas sa wala pa siya nagsabak ug nanganak. Sa usa ka IG post niining bag-o lang, nag-upload si Janella og hulagway niya nga nagtalikod samtang nagtungtong sa treadmill. Gibutyag sab niya nga mabinantayon na siya karon sa iyang kan-on.  “My body may have changed, but I have never felt stronger inside and out,” tipik sa iyang post.

Happy One Year!

Upat ka mga bag-ong salida ang ipagawas sa Kapamilya Channel karong buwana isip pagsaulog sa usa na ka tuig niini sa ere. Gisugdan kini sa Everybody Sing ni Vice Ganda niadtong Sabado. Sa June 19, mulugwa na pud ang “Bawal Lumabas: The Series” ni Kim Chiu sa matag 10:15pm sa maong adlaw. Sundan sab kini sa Rated Korina inig 11pm. Sugod June 28, Lunes hangtud Biyernes, makita na sab ang La Vida Lena ni Erich Gonzales matag 10pm.

Mora’g si Jasmine…

Gipalugwa na sa Crown Artist  Management ang teaser sa ilang labing bag-ong talent. Wala pa ipakita ang nawong, apan daghan ang nagtuo nga si Jasmine Curtis Smith kini sanglit may mga linya nga tipik sa iyang mga projects kaniadto ang gipakita usab sa video teaser ug may hashtag pa nga #JASanotherqueen. Si Maja Salvador ang tag-iya sa maong agency diin ang katapusang gipaila nga talent maayo si John Lloyd Cruz.