Donny, planong bumalik sa Korea
Ilang linggong napanood si Donny Pangilinan bilang isa sa mga host ng Aja! Aja! Tayo sa Jeju.
Ayon sa aktor ay mahigit isang taon na ang nakalilipas nang mag-shoot sila sa Korea para sa naturang travel show. Kung muling mabibigyan ng pagkakataon ay gusto na raw muling makapagbiyahe ni Donny. “Sobra kong na-miss ‘yung mag-travel. I think as long as the procedures and protocols are done and it’s safe, I’m more than okay to travel for work kasi na-miss ko talaga. Sa Korea I really loved the sceneries, the nature, how nice their parks are and a lot of people exercising and stuff. I feel like that’s something that really stuck me. Miss ko lang ‘yung black pork, ‘yung pagkain, ‘yung noodles. I’m a fan of samgyup but it’s different when you’re actually in Korea. Iba ‘yung pagkain do’n,” pagbabahagi ni Donny.
Malaki ang pasasalamat ng binata sa mga kasamahan din sa travel show na sina Robi Domingo, Kristel Fulgar at Shine Kuk dahil sa pagiging supportive ng mga ito. “Masaya lang, very supportive towards each other. Si Kuya Robi, siya ‘yung kuya ng group pero hindi niya pina-feel na gano’n ‘yung age niya. He really relates with us always.
“Si Kristel ,siya ‘yung nakakasama ko sa most of the challenges and stuff and I don’t think I would have been able to push myself kung hindi din ako pinush ni Kristel kasi solid din ‘yan. Warrior ‘yan si Kristel.
“Si Shine naman very game kahit saan. I didn’t actually expect Shine to be like that. I thought mas reserved siya nang konti. Siya ‘yung parang key namin sa Korea. She was telling us where to go sa Jeju, kung ano ‘yung delicacy nila, cultural references,” paglalahad niya.
Sa ngayon ay napapanood si Donny at ang katambal na si Belle Mariano sa iWantTFC series na He’s Into Her. Masaya umano ang aktor para sa bagong tambalan nila ni Belle. “Whatever is happening in my career I’m happy and it’s part of the journey eh, everything you go through. I don’t think you should say na ito lang ‘yung gusto ko or ito lang ‘yung gusto ko.
“Parang part ‘yon ng pagiging spontaneous. It’s just not one thing, it’s a lot of things. I’m just happy where I am right now and excited for what the future has in store,” makahulugang pahayag ni Donny.
Kim, marami pang gustong matutunan
Pitong taon nang magkasintahan ngayon sina Kim Molina at Jerald Napoles. Ayon sa aktres ay talagang magkasundung-magkasundo sila ni Jerald sa lahat ng bagay kaya nagtagal ang kanilang relasyon. “The reason why solid kami is because we connect with everything that I want to do in life and with everything that I believe in. Whatever goals he has, I believe in it because I believe in him. Kasi kung wala no’n, paano magwo-work ‘yon ‘di ba? It’s like having two hands holding each other. How are you going to hold it tight if you’re not connecting so to speak? So ‘Yon ‘yung number one na natutunan ko all throughout my relationship with him,” paliwanag ni Kim.
Umaasa ang dalaga na patuloy na magiging maayos at masaya ang kanilang relasyon ni Jerald.
Kahit matagal nang magkarelasyon ay maraming mga bagay pa umano ang gustong matututunan ni Kim. “Marami pa akong gusto gawin. Marami pa akong gustong matutunan. Kasi along the way, while I am learning, I get to do things na hindi ko inakala na kaya kong gawin. One of the most important things in a relationship is for the both of you to grow together. If you think that you’re not growing anymore as an individual or as a couple, I don’t think na do’n ka talaga magse-stay. Mas importante kung naggo-grow ka as a person at kung nagko-connect kayong dalawa or hindi,” giit ni Kim. (Reports from JCC)
- Latest
