Lorin Gidid-an nga maka-uyab
CEBU, Philippines — Gitambagan ni Ruffa Gutierrez ang iyang anak nga si Lorin nga dili una mag-uyab uyab. Nasayran nga hingpit na nga gisudlan ni Lorin ang kalibutan sa showbiz.
“Of course, no boyfriend. Then, to focus on studies, focus on my career. She just tries to instill in me that I should focus on myself rather than focusing on other people first,” saysay pa ni Lorin ngadto sa PUSH.
Matud pa ni Lorin nga nagsugod pa lang siya sa showbiz busa usa kini sa angayan niya nga tutokan.
Bag-ohay lang nipirma ang dalaga og exclusive management contract sa Viva Artists Agency. Malipayon siya gumikan kay todo suporta ang iyang pamilya sa pagsulod niya sa showbiz world.
“They trust me naman. They trust my judgement. They let me do what I want. Of course, they give me advice when I ask for it but I think my mom wants me to make my own naman for myself and let me follow my own path and my passion. So, she lets me have control of that naman po,”dugang pa niya.
Mag-uban sa sitcom
Gikatahong mag-produce og sitcom si Willie Revillame sa GMA-7 kun diin makauban niya sila si John Lloyd Cruz ug Andrea Torres. Gikatakdang molugwa usab si Lloydie sa TV special sa usa ka kompanya kun diin si Willie ang mag-host. Mao kini ang pagbalik ni Lloydie sa live show human kini nipahuway sa showbiz niadtong 2017.
Desiree nagsabak
Gibutyag ni Boom Labrusca nga 17 ka semana na nga nagsabak ang iyang asawa nga si Desiree del Valle. Kahinumdoman nga nagpakasal ang duha niadtong 2018 didto sa California.
20 ka tuig na
Gisaulog nila ni Aga Muhlach ug Charlene Gonzalez dili pa lang dugay ang ilang 20th wedding anniversary. “20 years of love & marriage?Happy Anniversary my love. They say time flies when you are having fun. What a wonderful journey of life it continues to be with you, @agamuhlach317,"suma pa sa Instagram post ni Charlene.
Bida sa pelikula
Bida si Joaquin Domagoso sa pelikulang Caught in the Act nga ubos sa MPJ Entertainment Productions ug Golden Brilliance. Anak si Joaquin ni Manila City Mayor Isko Moreno. Nalakip usab siya sa Kapuso series nga First Yaya.
Gugma sa kaugalingon
Gipaneguro ni Kristoffer Martin nga duna gyud siyay pagmahal sa iyang kaugalingon bisan pa man nga duna siyay uyab. Uyab niya ang laing Kapuso star nga si Liezel Lopez.
Matud pa niya nga kun dunay gugma sa kaugalingon, makatabang kini sa pagmintinar sa lig-on nila nga relasyon.
Nagpabakuna na
Aduna na’y mga artista nga nagpabakuna na batok sa COVID19. Pipila niini mao sila si Coco Martin , Jerald Napoles, Kim Molina ug Nora Aunor. Giklaro usab sa kampo ni Coco nga dunay kakulian sa panglawas ang aktor hinungdan nga nalakip kini sa listahan sa mga prayoridad sa bakuna.
Jayda mag-concert
Nagpanikad na ang anak nila ni Dingdong Avanzado ug Jessa Zaragosa nga si Jayda alang sa umaabot nga digital concert niini sunod buwan. Nagmalaumon si Jayda nga mauyonan kini sa iyang fans.
Nag-postibo sa COVID-19
Gipaabot nga ma-delatar ang digital concert ni Darren Espanto human nag-positibo sa COVID-19 ang usa sa mga staff niini. Gipaneguro lang gyud sa production team ang kaayohan sa tanang staff.
“Ang Babaeng Walang Pakiramdam” nagkadoul na!
Emosyonal nga pagbati nga lisod matagamtaman maoy usa sa mga istorya nga gituki sa umaabot nga pelikula nila ni Kim Molina ug Jerald Napoles nga “Ang Babaeng Walang Pakiramdam”.
Si Darryl Yap ang direktor niini kinsa mao usab ang naghupot kaniadto sa pelikulang
“Jowable”, “Paglaki Ko Gusto Kong Maging Pornstar” ug “Tililing” .
Atol sa virtual presscon sa miaging adlaw, gibutyag ni Kim nga komportable ra siya sa dihang gigama ang maong pelikula ilabi na nga nakasuporta ra usab niya kanunay si Jerald kinsa boyfriend usab niya sa tinoud nga kinabuhi.
“Sineseguro namin na magagawa talaga namin ang aming karakter , “ suma pa ni Kim. Gipaneguro ni Kim nga malingaw gyud ang motan-aw sa maong pelikula ug gitataw usab niini nga makita gihapon ang pagka-natural niya nga pagka-komedyante.
Gawad sa makalingaw nga mga eksena, dili usab malimtan ang nagtangag niini nga mga pagtulon-an. Makita ang “ Ang Babaeng Walang Pakiramdam” karong June 11 pinaagi sa global premiere sa ktx.ph, iWantTFC, TFC IPTV, SKY PPV, Cignal PPV ug Vivamax.
- Latest
