Kalma lang
Gidepensahan ni kanhi Bb. Pilipinas-Universe MJ Lastimosa si Miss Universe Philippines Rabiya Mateo batok sa mga Pinoy ra sab nga nisaway sa performance niini atol sa National Costume Competition sa nilabay nga adlaw. Bwelta ni MJ: “21kls yun pakpak mga mars kalma lang kayo. She carried it like it’s feather weight. Dami parin hanash haaaa. Dun tayo sa prelims totodo.”
Jehramae sa ASAP!
Mulugwa sa ASAP Natin To sa ABS-CBN karong udto ang Talisaynon nga si Jehramae Trangia kinsa maoy gideklara nga Grand Champion sa Born To Be A Star singing search sa Viva Entertainment ug TV5. Dinhi sa Sugbo, si Jehra maoy 2020 Sinulog Idol Grand Champion ug 2019 Tingog Talisaynon Grand Champion.
Thank You
Gibasa ni Janine Gutierrez ang tanang reviews sa ilang pelikula ni JC Santos nga “Dito at Doon”. Mapasalamaton siya nga nigahin gyud og panahon ang mga nakakita na sa maong pelikula aron ipadayag ang ilang pagdayeg niini.
Natay-an
Giangkon ni Vice Ganda nga may mga panahon nga feeling niya natay-an na siya isip performer gumikan sa kadugay na niyang wala maka perform sanglit sirado ang mga comedy bars ug wala siyay out of town shows gumikan sa pandemya. May higayon pa gani nga nag-nganga ra siya sa It’s Showtime kay may gusto siyang isulti, pero dili maporma sa iyang utok.
- Latest
