Pipila ka Pinoy mga racist…

Dismayado si Miss Universe Canada Nova Stevens sa ubang mga pageant fans lakip na ang gikan sa Pilipinas gumikan sa pagka racist.

Niadtong Martes gi-post ni Stevens ang usa ka hulagway nga nagtangag og mga pagbiay-biay, diin kasagaran niini tinagalog.

Si Stevens nga may dugong Africana, nihulagway sa maong mga fans nga ignorante ug nagpataka lang sa ilang racist ideologies. Nagtuo matud pa siya nga human sa mga kampanya sama sa “black lives matter” ug “Asian are humans”, wala nay mga ingon niini nga mga pagbiay-biay nga madawat ang sama niya.

"I’m really disappointed with some Pagaent fans from certain countries.

"Your hate takes away the fun and enjoyment from this once in a lifetime experience.

"Is it really that difficult to spread love instead of hate?”, tipik sa caption sa iyang IG post. Suma pa niya, walay namugos nga suportahan ang tanang kandidata, apan dili sab maayo nga dauton ang uban aron mosidlak ang gisuportahan nga kandita.

"The definition of beauty applies to all; because beauty can be seen in different shapes, shades and sizes.

"Please see the beauty that is in this world. We don’t need to look the same, we just need to treat each other the same."

Apan giklaro ni Stevens nga dili tanang Pinoy ang mga walay ayo ug racist. Adunay pipila lang gyud nga magpunay og biay-biay niya.