Catch Me Out, hahanap ng magiging expert

Mag-uumpisa na next week, February 6, ang bagong Kapuso show na Catch Me Out Philippines - base sa popular UK original na susundan ang two amateur contestants na sasabak sa intensive training with mentors and each with a different performance to master – from aerial silk dance to beatboxing – na lilituhin ang viewers and celebrity catchers na sila ay professional entertainers habang nagpe-perform kasama ang actual experts. The ‘impostor’ na mapapaniwala ang members of the audience na expert sila ang mananalo.

Si Jose Manalo ang main host kasama sina Kakai Bautista and Kapuso hunk Derrick Monasterio as Celebrity Spotters. “Ang ipinapakita rito sa show ay may mga tao pala na kayang turuan. ‘Yung parang akala nila hindi ko kaya, kaya ko naman pala, na kapag sumayaw ako parang propesyonal na. Sabi ko nga, galing na ako sa maraming auditions at kapag sinalang ko nakikita kong may mali pa rin. Dito, halatang nanggaling sila sa napakalupit na training para gumalaw sila na kagaya noong mga kasabay nilang propesyonal,”  pahayag ni Jose.

Pahayag naman ni Kakai, “Noong nalaman ko ‘yung role, na-excite talaga ako. Kasi kaming mga komedyante, people don’t get to see our other side. ‘Yung marunong din sila, hindi lang sila nagpapatawa. Na-excite­ ako na I will get the chance to state my opinion about something that I really love, which is entertainment, like insights ko sa performances. I’ve been in theater for 20 years now and in showbiz, nabigyan talaga ako ng chance. I’m very grateful that people will see a different side of me, hindi lang makulit, but may say rin sa mga bagay specially sa mundo ng entertainment and that excites me every taping.”

Dagdag ni Derrick : “Actually, mare-relate ko ang Catch Me Out sa life ko in the sense na I was an amateur before and then I trained with one of the most prestigious choirs in the world. Na-train ako sa kung anong kaya kong gawin ngayon. Before I entered showbiz, noong nasa choir pa ako, pumupunta kami sa iba’t ibang bahay para kumanta at mag-entertain ng tao. ‘Yun ‘yung similarity ng humble beginnings ko with the show.”