Smurfs tampok sa Moviefest ng Kapuso

Tampok sa Kapuso Movie Festival ang mahiwagang kuwento sa animated film na Smurfs: The Lost Village. Isang misteryosong mapa ang magdadala kay Smurfette at kanyang mga kaibigan na sina Brainy, Clumsy, at Hefty sa Forbidden Forest, kung saan matutuklasan nila ang pinakamalaking sikreto sa Smurf history.

Samantala sa GMA Blockbusters, sasakit ang tiyan ng mga manonood sa kakatawa sa La Visa Loca, na pinagbibidahan nina Robin Padilla, Johnny Delgado, at Rufa Mae Quinto. Tunghayan dito ang buhay ni Jess Huson at ang kanyang pangarap na mangibang bansa.

Tutukan naman sa Telesine Presents ang nakaka-tindig balahibong pelikula na Multo sa Calle 13, patungkol sa isang misteryosong kalye na binabahayan ng mga masasamang espiritu.

Huwag palampasin ang line-up na ito sa Kapuso Movie Festival bago ang All-Out Sundays, GMA Blockbusters pagtapos ng Dear Uge, at Telesine Presents pagtapos ng The Boobay and Tekla Show.