Miss Bikini Universe

CEBU, Philippines — Napili nga pambato sa Miss Bikini Universe didto sa China karong September si Miss Universe Philippines Romblon Maria Fee Tajaran. Si Tajaran kinsa sakop sab sa Stacy Models ug nasulod sa Top16 sa Miss Universe Philippines pageant niadtong October nagkanayon sa iyang IG post kagahapon: Remember, God doesn't close one door without getting ready to open another with bigger and greater things.

Bea, maminyo na!

Maminyo matud pa si Bea Alonzo kun dili man pito ka mga bulan gikan karon, pito ka mga tuig pa ang paabuton.

Mao ni tsika sa tarrot card reader nga si Niki Viscarra ngadto kang Bea ug Kakai Bautista pinaagi sa latest vlog sa aktres.

Matud ni Bea nga dili matud siya pwede magminyo kun pito ka mga bulan gikan karon kay naa pa siyay shooting. Kun pito pa sab ka mga tuig ang paabuton, tiguwang na matud pa siya nianang panahona. Nag-edad na karon og 33 ang aktres.

Apan matud pa ni Viscarra, kun karon matud pa magminyo si Bea, adunay tsansa nga sa panagbulag mosangpot, apan kun unya pa, mulungtad matud pa kini.

Suma pa ni Viscarra nga civil wedding ang unang mahitabo ug medyo sekreto. Mature na ang panghunahuna ang maminyuan ni Bea, dugang pa ni Viscarra.

“Very long life ka, very bongga ang career mo.” Mao nay basa ni Viscarra sa career ni Bea. Suma pa niya maanindot ang resulta sa pelikula ni Bea karong tuiga.

Tulo ka mga pelikula ang himuon ni Bea karong tuiga diin shooting siya alang niini hanngtud sa Hulyo. Lakip sa gitakda niya nga himuon mao ang reunion project nila ni John Lloyd Cruz u gang pelikula pud nila ni Alden Richards.

Bida gyud

Teleserye ubos sa Dreamscape Entertainment matud pa ang unang proyekto ni Janine Gutierrez sa iyang pormal nga pagbalhin sa ABS-CBN karong bulana..Si gyud maoy bida.

Mulugwa sa Riverdale

Molugwa sa Netflix series nga Riverdale ang Kapamilya star nga si AC Bonifacio. Cheerleader iyang character sa maong series. Atua sa Canada nagbase si AC.

Igo na lang mopili

Hands on gyud matud pa si Neil Arce sa ilang umaabot nga kasal ni Angel Locsin. Kini maoy gibutyag mismo sa aktres diin pa, igo nalang siyang papilion ug pahukmon sa iyang pamanhunon. Karong tuiga ang kasal sa duruha inay niadto untang November 8. Nisibog kini gumikan sa pandemic sanglit dili matud pa sila pwede og intimate wedding sanglit daghan sila'g mga higala.

Beautiful Scars

Nag-collab alang sa acoustic version sa sikat nga kantang "Beautiful Scars" sila si Moira ug ang original singer niini nga si Maximilian. Suma pa sa singer nga tua sa Copenhagen, Denmark nga dako siyag pasalamat sa iyang Pinoy fans ug kun walay kakulian, nanghinaot siya nga makabisita dinhi sa nasud karong tuiga. Virtual lang ang collab nilang duha nga nahitabo sa usa ka new year's eve event adtong nilabay adlaw.

With Lolo

Gipaila ni Meryll Soriano ngadto sa iyang amahan nga si Willie Revillame ang anak nila ni Joem Bascon. Simple ra ang caption ni Meryll sa hulagway nila ni Willie nga nagkugos sa iyang apo: With lolo. Mapahiyumon silang duha sa litrato.

Walay expectation

Wala nay pagdahom sa Superstar Nora Aunor nga malakip sa listahan sa National Artists sa Pilipinas. Suma pa niya, kun dili ihatag ngadto niya, buot pasabot nga aduna pay mas angayan kay niya. Alang sa Superstar, kun para iya, maiya gyud kini. Apan kun dili, dili niya maangkon. Kaduha na ka higayon nga gituboy si Nora sa maong listahan apan wala gihapon hinungdan sa pagkadismaya sa iyang fans.