Roxanne, minyo na!

Nakauyab, na-engage, naminyo. Mao kini ang istorya panahon sa pandemic ni Roxanne Barcelo. Mapasigarbuhon nga gi-upload ni Roxanne sa Instagram niadtong Biyernes sa gabii. Apan wala niya ipakita ang dagway sa iyang bana. Hulagway lang nila nga naggaksanay nga nagtalikod sa camera ang iyang bana ang iyang gipaambitan. Maklaro nga taas ug mestizo ang lalaki nga gihulagway ni Roxanne nga bunga sa iyang pag-ampo.

Bye, Yassi!

Mawagtang na si Yassi Pressman sa FPJ’s Ang Probinsyano human sa upat ka tuig nga ginuntan sa publiko ang love story nila ni Cardo Dalisay. Adunay mga projects nga himuon si Yassi sa Viva nga maoy iyang home studio. Si Jane de Leon ang musulod ug gipaabot nga maoy mamahimong bag-ong loveteam ni Coco Martin.