Scripted, trabaho lang

Giklaro ni Miss Manila Alexandra Abdon nga scripted ang tanan nga iyang giyawyaw ngadto kang Hipon Girl sa Wowowin sa nilabay nga semana. Lakip niini ang paghingan niya kang Hipon Girl og “squammy” ug “iskwater”. Gisugo ra matud pa siya, ug igo lamang niyang gibuhat ang iyang trabaho.

Sunod-sunod karon ang bashing nga nadawat ni Abdon gumikan sa eksena nilang duha ni Hipon Girl sa Wowowin niadtong Biyernes sa nilabay nga semana. May mga nihulagway pa kang Abdon nga bastos ug walay breeding ug walay pulos ang pagka edukada niini.

Pero sa us aka direct message sa Instagram giangkon ni Abdon ngadto sa usa niya ka fan nga scripted ang tanan.

“Yes po! [smiling face emoji] Pero yung bash, hindi. Hehe.

“But issokay! Kilala nyo naman ako. [smiling face emoji]”

Mismong si Willie na ang nanawagan nga hunungon na ang bashing ngadto kang Abdon ug nga nahusay na matud pa kini ug si Hipon Girl.