Morisette, engaged na!

Duha ka bulan na diay nga engaged sila si Morisette Amon ug Dave Lamar apan niadtong Lunes sa gabii lamang kini gipahibawo sa Cebuana diva pinaagi sa Instagram kay giuna nila og pahibawo ang ilang masigka pamilya ug suod nga mga higala.  “Nine years since we've met, bestfriends for seven, our second round at love, each other's firsts.. and now, last and only,” tipik sa mensahe ni Morisette.

Second Anniversary

Mapasigarbuhon nga gi-upload nila ni Maine Mendoza ug Arjo Atayde sa ilang tagsa-tagsa nga IG accounts ang ilang hulagway samtang naa sa beach isip pagsaulog sa ikaduha na ka tuig nga kasumaran sa ilang relasyon niadtong nilabay nga adlaw. Puno sa gugma ang mensahe ni Arjo para kang Maine samang ang nauwahi simple nga happy anniversary nga dunay white heart emoji ang gi-caption sa ilang hulagway sa iyang uyab.

Schedule ang mabasul

Gihangyo ni Megastar Sharon Cuneta ang iyang fans nga dili basulon ang ABSCBN nganong wala siya igkita sa Christmas Special sa network niadtong Domingo. Suma pa niya, gidapit siya sa kadagkuan sa estasyon aron patambungon apan wala motakdo ang iyang schedule. Hinuon, apil siya sa station id, ug nasuta nga aduna siyay duha ka project sa sa network. Kini mao ang Your Face Sounds Familiar u gang pelikula nga Keys To Your Heart nga unang gibalita nga kang Charo Santos Concio apan si Sharon ang nilugwa sa plug kauban ang mga bida niini nga sila si Joshua Garcia ug Zaijan Jaranilla.