100 Digital Stars
CEBU, Philippines — Unom ka kapamilya stars ug usa ka kapuso ang nalakip sa unang isyu sa Forbes Asia alang sa ilang Forbes Asia's 100 Digital Stars karong tuiga.
Suma pa sa maong magazine, ang mga nalakip mao ang labing influential sa social media karong panahona.
Ang nasulod sa listahan gikan sa Pilipinas mao sila si Kathryn Bernardo, Angel Locsin, Anne Curtis, Vice Ganda, Sarah Geronimo, Kim Chiu, ug Marian Rivera.
Dali nga nagpasalamat ang pipila kanila pinaagi sa ilang tagsa-tagsa ka social media account.
"Thank you @forbesasia for including me in your inaugural #100DigitalStars list! It's an honor to be mentioned alongside people who put their influence to good use, especially in these trying times where the digital platform plays a huge role in raising awareness and promoting positivity," mensahe ni Kathryn.
Samtang si Angel, niingon: "Words can’t express how deeply humbled and honored I am to be included in Forbes Asia’s List of 100 Digital Stars in the Asia Pacific Region as one of the representatives of our country.”
Si Anne niingon, "Thank you @forbesasia. Sending out love to all of my followers from Twitter, Instagram, and Facebook.”
Grasy sa “Bawal Lumabas”!
Aminado si Kim Chiu nga labihan ka tungason ang tuig 2020 para niya ilabi na niadtong na kontrobersyal siya human sa Laban Kapamilya FB Live niadtong Mayo nga maoy nagmugna og paagi aon mahimugso ang kanta nga “Bawal Lumabas”.
Hinungdan nga labihan niyang lipaya nga nalakip siya sa Forbes Asia’s 100 Digital Stars pinaagi usab sa nahisgutang kanta.
"Grabe po! I am just thankful for everything God has been giving me. My faith has been tested this year but I never gave up on trusting his will, ALL IN HIS GLORY! ALL FOR YOU FATHER GOD! THANK YOU @forbes for this recognition there is truly LOVE AND LIGHT! MARAMING SALAMAT PO! WOW!!!!!"
Nahugyaw ang Forbes Asia nga nagamit ni Kim ang iyang kanta aron makahipos og donasyon alang sa mga nanginahanglan nga apektado gumikan sa pandemya.
"OMG!!! OMG!!!!!!! No words!!!! I am a part of ASIA PACIFIC’s MOST INFLUENTIAL CELEBRITIES ON SOCIAL MEDIA! No words!!! FORBES!!! Sorry capital letters lahat!!!" Para intense yun yung nararamdaman ko now!!! LIKE WOW!!!!!" Nagkanayon siya sa IG.
Bea-Alden Movie
Magpares sa pelikula sila si Alden Richards ug Bea Alonzo sunod tuig. Ang Viva Films ug GMA Films maoy producers niini. Unang nagpares ang duruha sa usa ka shampoo commercial diin nakita ang ilang maayo nga chemistry.
Kathniel series
Adunay part 2 ang digi-mini movie nga the House Arrest of Us. Gam-on kini sund tuig, diin gitakda sab nga mohimo og teleserye sila si Kathyryn Bernardo ug Daniel Padilla para sa Kapamilya Network. Kahinumduman nga ang The House Arrest of Uss, nahimugso human sa ilang blockbuster movie The How’s of Us.
Unta makatrabaho na
Simple ra ang Christmas wish sa 14 year old nga si Sofia Pablo. Kini mao nga mahuman na unta ang Covid ug makabalik na siya og trabaho pinaagi sa GMA7 series nga Prima Donnas. Naundang siya sanglit wala man itugot ang makagawas sa balay basta 15 anyos paubos. Niining bag-o lang, nagmaya si Sofia sanglit nalakip siya sa most watched celebrities sa Tiktok. Wala siya nagdahom niini, sanglit niya pa, aduna pay daghang mga sikat nga celebrities.
Wagtangon ang stress
Kun aduna lang unta siya’y superpower, buot ni Barbie Imperial nga wagtangon ang anxiety ug stress sa mga tawo karong pasko. Mao ni iyang gibutyag atol sa presson sa Mang Kepweng: Ang Lihim ng Bandanang Itim, diin usa siya sa mga leading lady sa bida niini nga si Vhong Navarro. Entry sa Metro Manila Film Festival ang maong pelikula.
Mura’g walay motan-aw
Gipangutana si Vhong Navarro kanus-a sila mag-uban ni Vice Ganda sa pelikula, ug tubag niya, hayan nagduha-duha ang nauwahi kabahin niini. Kini kay kada adlaw matud pa sila makita sa telebisyon ni Vice ug para ni Vhong nabuhat na nila tanang pakatok si Vice. Busa, pagtuo niya, wala nay motan-aw nila sa pelikula. Lahi matud pa kang Anne Curtis nga sitwasyon sanglit aduna pay wala mabuhat sila si Vice sa telebisyon ug maoy ilang gibuhat sa pelikula sa nilabay nga tuig.
Salamat, UH!
Mapasalamaton sila si Joyce Pring ug Juancho Trivino sa GMA7 morning show Unang Hirit nga nag-21ist anniversary karong bulana. Kini kay dinhi sa maong show sila nagkita isip mga co-hosts, gisungogsungog, hangtud nagkahigugmaay ug karon managtiayon na. Nakabalhin na sab sila sa ilang bag-ong balay ug nakatabang pud ang maong show aron ila kining mapanag-iya.
Ikaw na gyud, Vico!
Si Mayor Vico Sotto mismo ang niduaw sa taping sa M-Zet Films nga nagtaping didto sa Pasig aron sukton sila sa angayan nilang bayran gumikan sa maong taping. Ang M-Zet gipanag-iya sa iyang amahan nga si Vic Sotto, hinungdan nga naikod nga nisukot ang taga city hall. Apan pagkahibawo mismo ni Vico niini, siya mismo ang niadto sa set ug nanukot. Suma pa niya, mas labaw nga angayang sukton kun kadugo aron walay dautang ikasulti ang publiko.
Wow, Marian!
Mas gipalapdan pa ni Marian Rivera ang iyang negosyo nga Flora Vida. Ang Flora Vida flower arrangement business ni Marian, ug niadtong Martes, iyang gilusad ang Flora Vida Home. Mga gamit sa balay ang iyang baligya sama sa furniture, kurtina, unlan ug daghan pa. Gituyo gyud niya sa December 8, ilusad sanglit gitunong kini niya sa Feast of Immaculate Concepion sanglit Marian devotee man siya.
- Latest
