De kalidad gyud…

Ang gibug-aton sa istorya gyud ang basehan ni international award-winning actress Jacklyn Jose sa iyang pagdawat og proyekto ilabi na karon nga adunay pandemya. Suma pa niya, dili siya modawat kun basta basta lang kay dili niya irisgo ang iyang kaluwasan. Samtang dili na bag-o alang niya ang lock in shooting or taping sanglit ingon niini ang istilo ni Brillante Mendoza sa iyang mga pelikula diin focus ra gyud sila sa project sulod sa duha ka semana, pahuway og duha ka semana, ug balik na sab og shooting.

Congrats, Dara!

Nakadawat na og Gold Button Creator Award si Dara Park gikan sa Youtube. Ang maong pasidungog ihatag ngadto sa content creator nga aduna nay one million subscribers. Ang Youtube channel ni Dara gilusad niadtong 2017, diin ang labing gitan-aw nga video mao ang ilang pagpauli nila sa iyang igsuon nga si Thunder dinhi sa Pilipinas. Produkto sa Star Circle Quest Season 1 sa ABS-CBN si Dara o Sandara diin gianggaan siya og “Pambansang Krung Krung.” Human sa pipila ka tuig nga pag-artista dinhi, nipauli siya sa South Korea diin nalakip siya sa kanhi sikat nga all girl group 2NE1.

Pasok sa ASIAA…

Sibaw ang chika nga molugwa matud pa sa ABS-CBN si Kris Bernal pinaagi sa toprating serye Ang Sa Iyo Ay Akin sa dili madugay. Gani, nagtaping na matud pa ang kanhi ultimate winner sa GMA7 artista search Starstruck nga karon freelancer na human napupos ang iyang network contract sa Kapuso niadtong Mayo.