'Memer siya ihh': Harry Roque sinakyan mga biro sa kanyang viral Boracay pics

MANILA, Philippines — Memes lang, walang pikunan — tila 'yan ang mantra ngayon ni presidential spokesperson Harry Roque matapos pagkatuwaan ng netizens ang mga litrato ng kanyang pagbabakasyon sa gitna ng coronavirus disease (COVID-19) pandemic.

"Akala nyo di ko nakikita. Tawa lang kayo. #kalmaAkoLangTo," sabi niya sa Facebook, Miyerkules nang umaga.

“Akala nyo di ko nakikita. Tawa lang kayo. #kalmaAkoLangTo”

Ito ang sagot ni Sec. Harry Roque matapos gawing meme ang kanyang larawan sa Boracay.

LINK: https://t.co/yGm9LC8m1e pic.twitter.com/OgqEB9rZn3

— News5 (@News5PH) October 7, 2020

Nagsimula ang lahat ng ito nang magviral ang ilang litrato niya habang hinihikayat ang lahat na bisitahin ang Isla ng Boracay para na rin buhayin ang nananamlay na ekonomiya buhat ng COVID-19 lockdowns.

Sa mga litrato, makikitang tila galak na galak ang tagapagsalita ni Pangulong Rodrigo Duterte sa tabing-dagat, lalo na't isa raw ang Boracay sa kanyang mga "happy place."

Basahin: Vacation time!: Palasyo hinikayat ang lahat sa 'COVID-free' Boracay

Nag-ikot si Presidential Spokesperson Harry Roque sa Boracay na nagbukas na sa mga turistang galing sa GCQ at MGCQ areas. | via @jcdongon pic.twitter.com/Z5KkPhigqV

— News5 (@News5PH) October 4, 2020

Pinanggalingan tuloy ng sari-saring memes ang mga nasabing larawan, lalong-lalo na yaong pose na naka-extend ang kamay na tila letter "T".

Ang mga 'yan, bentang-benta tuloy sa mga netizens.

Behind the Scene.
Harry Roque Memes pic.twitter.com/eqLWevH2XJ

— Jeck ? (@HaynakoJeck) October 6, 2020

petition to make harry roque the national meme of the philippines https://t.co/vWDg92xugT pic.twitter.com/HruzWyq0GW

— ????????. ???????????????????? (@rjlenon_) October 6, 2020

me to my module: pic.twitter.com/9ohY4s6HRj

— ???????????????????? (@ignacio_aries) October 6, 2020

A THREAD OF ALL THE ROQUE ARMS SPREADING MEMES I COULD (steal) FIND!!! pic.twitter.com/BanWgPy991

— the filipino zoomer (@filipinozoomer) October 6, 2020

Ang iba pa ngang aktibista, nagamit pa ito sa kanilang propaganda at membership "recruitment." 

Animo'y well-versed pa nga sa pop culture si Roque, lalo na't tila alam niya ang konteksto ng mga nasabing memes — mapa-anime, Marvel Cinematic Universe, NBA at classic movies pa ito.

May kinalaman: 'Patok sa TikTok?': Ex-Duterte spokesperson todo-hataw sa dance video

Basahin: Malacañang hindi susunod sa 'TikTok ban' ng Amerika, ayon kay TikToker Harry Roque

Hindi na-offend, natuwa pa nga

Kanina, inilinaw ni Roque na hindi siya napikon sa mga naglipanang memes sa kanya. Aniya, mas kailangan pa nga raw tumawa ng mga tao ngayong stressed ang lahat sa COVID-19.

"Sa panahon ng pandemiya eh natutuwa ako na kahit papano meron tayong kontribusyon para maaliw ang ating mga kababayan," wika ni Roque.

"Mas magada yung kasama ko ang mga Avengers. Kamukha din ako ng mga Avengers, kasing-katawan ng mga Avengers."

Gayunpaman, hindi 'yan bumenta sa lahat. Ayon Jules Guiang, na dating host ng government-owned TV network na PTV4, bahagi raw talaga ang pagsakay ni Roque sa memes para na rin ma-"boost" ang kanyang imahe sa mga botante.

"Okay PR talk tayo uli. Oh di ba, Harry knows how to play the game. He is using the Go and Villar strategy, and netizens are having it," ani Guiang kanina.

"He posed like that in Boracay and now he’s part of every meme - boosting his presence to the voting public."

Okay PR talk tayo uli. Oh di ba, Harry knows how to play the game. He is using the Go and Villar strategy, and netizens are having it. He posed like that in Boracay and now he’s part of every meme - boosting his presence to the voting public.

— jules guiang ???????? (@JULESguiang) October 7, 2020

Dating kinatawan ng Kabayan party-list sa Kamara si Roque at sinubukang tumakbo sa pagkasenador noong 2019 midterm elections. Gayunpaman, binawi niya ang Senate bid dahil sa iniindang "unstable angina coronary disease."

Sa kabila ng "karamdaman," nakabalik sa public office si Roque bilang tagapagsalita ni Digong.