Si Heaven diay

CEBU, Philippines — Dili si Barbie Imperial maoy bida sa teleserye nga iya unta ni Julia Barretto kun wala pa kini nibalhin sa Viva Artist Agency. Si direk Lauren Dyogi, kinsa maoy pango sa TV Production sa ABS-CBN ug umaabot nga big boss sa Star Magic, niklaro nga ang “Bagong Umaga” maoy unang lead role ni Heaven Peralejo. Cara Y Cruz ang unang title niining maong teleserye nga gisugdan na ang lock in taping niadtong Miyerkoles, apan wala pay petsa kanus-a kini ipasalida.

Ngano kaha?

Sa pagkawagtang ni Julia Barretto sa teleseryeng Bagong Umaga, nawagtang sab sila si Marco Gumabao, u gang loveteam nila ni Loisa Andalio ug Ronnie Alonte. Giklaro ni Julia sa iyang presscon niadtong Miyerkoles nga wala siya nibiya sa maong proyekto, kundili pagbuot sa Star Magic nga exclusive talents lang usa niini ang maglangkob sa maong project. Si Marco, Viva talent. Apan, sila si Loisa ug Ronnie, puros Star Magic. Wala pay katin—awan nganong hasta sila wala nay apil.

Dili Kaya

Nikalit og hilak si Megan Young atol sa pagplano nila ni Mikael Daez sa musunod nilang topic sa ilang vlog. Kini human nisugyot si Mikael nga tukion nila unsa kahay mahitabo kun magbuwag sila. Matud ni Megan dili niya kaya bisan og hunahunaon lang niya nga magbuwag sila sa iyang bana.

“The Lost Recipe”

Si Kelvin Miranda ang bida sa umaabot nga teleserye sa GMA7 nga giulohan og “The Lost Recipe.” Si Mikee Quintos ang iyang leading lady. Si Kelvin produkto sa Netflix movie ni direk Mikhail Red nga giulohan og “The Dead Kids” kauban sila si Sue Ramiez ug Khalil Ramos.

Nag-uli na

Human sa pito ka tuig, nagkauli sa maayong kabubut-on ang mag-inahan ug anak nga sila si Rosanna Roces ug Onyok. Sa us aka facebook post, gipahibawo ni Osang nga natapos na ang istorya. Si Onyok sab, nisasay nga didto kini nahitabo sa balay sa iyang igsuon nga si Grace, ug daw naibtan na siya og tunok karon nga okay na sila sa iyang mama. Niadtong 2013, nabaniog ang panag-away sa duruha kay matud pa supak si Osang sa hinigugma sa iyang anak niadtong tungora.

Busy Loveteam

Ang RitKen loveteam nila ni Rita Daniela ug Ken Chan maoy usa sa labing busy ug labihan ang exposure sa GMA7 karon. Subli silang makita sa replay sa Dear Uge episode nga “Isko Lie ng Bayan” karong Domingo.  Journey hosts sab sila sa The Clash Season 3 nga nagsugod na adtong Sabado. Aduna pa silay launching movie sa direksyon ni Louie Ignacio ug gimugna didto sa Pagsanjan, Laguna.  Kini mao ang “My First & Always.” Aduna say pelikula si Rita kauban si Snooky Serna nga mao ang “ In The Name of the Mother.”