Dream Project ni Gladys

CEBU, Philippines — Napuno sa grasya karon si Gladys Reyes taliwala niining pandemya nga gisagubang sa nasud. Maayo ang dagan sa ilang negosyo sa iyang bana nga si Christopher Roxas, padayon gihapon ang iyang endorsement ug may tv ug online shows pa siya.

Hinungdan nga panghinaot na lang niya nga mahinayon ang giplano nila ni Carmi Martin ug Angelu de Leon.

Tsika pa sa PEP Troika, pangandoy ni Gladys nga mag-uban sa usa ka pelikula ang iyang mga gidaog-daog kaniadto sa mga teleserye nga sila si Claudine Barretto, Angelu de Leon ug Judy Ann Santos nga sa tinuod nga kinabuhi mga higala gihapon niya bisan pa og busy sila sa ilang tagsa tagsa ka mga panikay sikay.

“Si Judy Ann, ang maganda sa kanya, anytime lang yung hi-hello sa Viber, ang bilis niyang sumagot.

“Ang communication namin, parang kahapon lang kami nagkita, hindi kami nagkakailangan kahit matagal na kaming hindi nagkita. Iyon ang maganda sa amin ni Judy Ann,” butyag pa ni Gladys atol sa virtual mediacon sa iyang endorsement nga The Skin Bureau bag-ohay lamang.

Ingon niana sab matud pa nga matang sa panaghigalaay nila ni Angelu.

Samtang, gibutyag ni Gladys nga nahugyaw siya kang Claudine kay nisugot kini dayon nga mo-guest sa iyang online show nga Pelikuwentuhan bisan pa man og dili ingon niana ang ilang komunikasyon.

“Desperate Housewives”

Aduna  nay konsepto si Gladys sa higayon nga mahinayon na ang iyang dream project.

 “Ang naisip namin diyan, before the pandemic, parang may plano na kami na project talaga for all of us.

“Sina Judy Ann, Claudine, Angelu, 'tapos ako. Kumbaga, ito ang mga inapi ko noon na mga bida.

“Mga reyna ng mga teleserye, magsasama-sama ulit, at ako lang ang nag-iisa nilang kontrabida na friends kami in real life until now.”

“Na-preserve namin yung friendship namin,” ni Gladys pa.

JC, wala nadayon sa gag show

Sukwahi sa unang gikataho, walay apil si JC de Vera sa Sunday Kada Kada, ang umaabot nga gag show sa TV5 nga gitakdang magsugod na karong October 18, kauban sa Sunday Ultimate Party. Kini kay suma pa sa PEP Troika, wala si JC sa taping sa maong show didto karon sa Boracay sa direksyon ni Bobot Mortiz. Suma pa, pito ka adlaw na nga tua didto sa isla ang casts.

Kahinumduman nga kasagaran sa mga artista niini, naglangkob sa gag show sa ABS-CBN kaniadto nga Banana Sundae sa direksyon gihapon ni Mortiz. Tsika sa PEP nga tua karonn nagtaping sa Boracay ang mga sakop sa Banana Sundae kaniadto nga sila si Sunshine Garcia, Ritz Azul, Wacky Kiray ug Jasonn Gainza.

Apil  sab sa taping karon didto sila si Jerome Ponce ug Joshua Colet.  Guests sila si Maxine Medina ug Daniel Matsunaga, nga maoy gihugon-hugon nga mamahimong regular cast member isip hulip kang JC. Ang Sunday Kada Kada iya gihapon sa Brightlight Productions ug dili station produced.

Intimate Apan Walay Hawkanay!

Special agent nga inlab pa sa iyang ex ang role ni Arci Munoz sa teleserye nga Walang Hanggang Paalam  nga nagsugod na kagabii sa Kapamilya Channel, Kapamilya Online Live ug uban pang platforms sa ABS-CBN.

Suma pa niya adunay mga eksena nga kinahanglang ipakita nga intimate sila sa usag-usa, apan walay kissing scene sanglit nagtamod sila sa health protocols gumikan sa Covid 19 virus.

“More of the action scenes for me kasi ang role ko dito para akong secret agent, so instead of NBI, it’s NIA. Yung character ko is in love kay Emman (Paulo Avelino). So we had one scene na parang dapat nga parang may love scene pero we can’t do it eh kasi we are following strict protocols here. Magaling si direk Darnel (Villaflor). Hindi puwede ang kissing scene. We’re following protocols as much as possible talaga. We’re trying to avoid close contact,” nagkanayon siya.

Giangkon ni Arci nga nalipay kaayo siya niining maong teleserye gumikan kay una kining higayon nga mohimo siya og action scenes. Apan nabalaka sab siya sa sinugdanan sanglit sa tanang proyekto nga iyang nabuhat, dinhi sa Walang Paalam siya wala nakapangandam og maayo.

“A month before kami mag-shoot lang ako sinabihan so siyempre in-assume ko na siyempre pag-action yung gagawin kailangan fit. Medyo wala kasi akong training at saka workout nung lockdown. Siyempre nasa house lang ako so medyo lumaki ako. So ang hirap kasi medyo kulang nga yung time to prepare. Kaya nung nandun na ako sa set, I was really just grateful na lagi nila akong tinutulungan, gina-guide nila ako sa lahat ng eksenang gagawin ko kasi bago lang din ako,” ni Arci pa.

Mapasalamaton hinuon siya kay gitabangan siya sa iyang mga kauban ug sa director.

“First time ko gumawa ng action eh. So naninibago pa ako, nangangapa pero thankful ako na before kami ma-lockdown nakapag-training ako kaya I was just looking forward to doing an actions series with Pau (Avelino) kasi ang galing talaga ni Paulo mag-action.”