MNL48 reunion, tuloy ang saya

Tuloy-tuloy ang pagbibigay saya ng MNL48 sa kanilang fans na miss na miss na sila dahil may darating pang dalawang pagsasama-sama ang grupo sa  MNL48:REGROUP:The Reunion ngayong Setyembre.

Samahan ang mga miyembro ng NIV at L sa kanilang catch-up mula sa kani-kanilang mga bahay at panoorin ang kanilang surprise performances at games na hinanda nila para sa kanilang fans sa darating na Setyembre 25, 7 p.m. sa YouTube channel ng MNL48.

Matutuwa ang fans dahil pwede silang magtanong sa grupo via Super Chat o Super Stickers sa nasabing YouTube Live.

Una nang nakasama ng fans ang grupong MII noong Setyembre 11 at 18 kung saan napanood ang performances nina MNL48 Andi, MNL48 Emz, at MNL48 Sheki .

Sa kabila naman ng pandemya, tuloy ang pagbibigay aliw ng MNL48 sa kanilang fans sa iba’t ibang digital series na mapapanood sa kanilang YouTube channel.