Beeha Pia ahh!

CEBU, Philippines — Nag-aso aso ang comments ug reactions niining hulagway nga gi-upload ni Pia Wurztbach sa iyang IG account sa nilabay nga adlaw.

Throwback photo kini nga kuha sa iyang uyab nga si Jeremy Jauncey sa ilang paglaag sa Greece.

Bisan celebrities ug ordinaryong netizen lang nahugyaw sa ka makabibihag og lawas sa kanhi Miss Universe.

Bunga sa Pagtinihik!

Nagbunga ang pagka tihik sa young actress nga si Andrea Brillantes. Kini kay sa edad nga 17-anyos, nakapatukod na siya og balay alang sa iyang pamilya.

Una niini, nakapalit siya og luna nga may gilapdon nga 400 sq. meters, nga mao karoy gitarokan sa iyang dream house.

Sa interview ni Bianca Gonzales kang Andrea para sa Cinema News bag-ohay lang, gisaysay sa aktres nga nagtubo siya nga nag-abang ra gyud sila og balay, hinungdan nga gipangandoy gyud niya nga makaangkon og iyang kaugalingong pinuy-anan.

Busa, tanan niyang kinitaan sa showbiz, iyang gigahin sa mao niyang pangandoy nga iyang hingpit nga gisugdan pagkab-ot niadtong Agosto sa nilabay nga tuig.

"Lagi kong iniisip, 'Ito para sa bahay ito, ito para sa ganyan,' since ako ang nagpo-provide sa bahay namin.

"Nagtatabi ako ng mga ipon 'tapos nung mayroon ng mga naipon, ang sabi lang namin, 'Parang okay na, parang puwede nang maghanap.'

"Tapos hanggang sa nagkaroon ng Kadenang Ginto."

Saysay pa ni Andrea, dili gyud matud pa siya mopalit og mga mahalon nga butang. Tanan nga naa siya karon, puros regalo.

"Hindi ako bumibili ng mga designer [items], hanggang ngayon di pa rin ako bumibili ng mga designer shoes and bags.

"Puro mga bigay kasi may pagkakuripot ako."

Nagsugod ang iyang pagkatihik sa edad nga 10 anyos dihang nasabtan na niya nga lisud ang mangita og kwarta.

"Ang hirap-hirap pala niyang kitain, hindi lang pala siya ganun.

"'Tapos nung nagkaroon ako ng responsibility sa buong family ko, mas naging kuripot ako."  

Kinasingkasing

Nahugyaw ko, at the same time, naliki sab few days ago. Kini may labot sa balita nga giregaluhan ni Ivana Alawi og titulo sa yuta ang iyang igsuon nga si Hash, kinsa nagbirthday bag-ohay lang. Daghan nipakpak kang Ivana gumikan sa maong surprise birthday gift ngadto sa iyang manghod. Nakadayeg sab ko kang Hash kay matud pa ni Ivana dili hilig og mga materyal nga butang iyang igsuon. Simple ra gyud kini ug nagkinabuhing simple. Pakpak

Praktikal lang sila nga mga tawo gyud. Kay ang yuta dili makawat or mabitbit, gawas lang kun naa sa kaang. Pakkk! Bitaw, magkadugay, magkataas ang balor sa yuta. So nindot na nga investment. Ang ilaha hinuon ni Ivana, tukoran gyud to nila'g balay kay nahimutang sab ni sa usa ka subdivision. Naa sab didto ang yuta nga regalo niya sa ilang mama. Plano sab niya nga palitan og yuta iyang manghod nga si Mona didto gihapon sa maong subdivision. So kagustohan gyud niya nga magkadug-ol sila hangtud matiguwang na sila og may kaugalingon na nga pamilya.

Dalaygon si Ivana. Mapinanggaon nga anak ug igsuon. Pero naliki ko sa comment sa usa ka netizen sa maong balita. Iyang giingnan si Ivana nga maypag manghatag og gadget para sa mga estudyante kay wala na gani matud pay ayo ang Youtube vlogs niini, wala pa gyud kini ayo nga pagkatawo. Pakkk!

Nakakalooka! Bitaw, kanas Ivana kwartahan na kay milyones iyang subscribers sa Youtube ug milyones sab ang mutan-aw sa iyang vlogs. Naa na siyas mga charity works sab. Mohatag mana siyag mga ayuda, wala lang siya ipahibawo, which is maoy nindot. So, mao nang gigrasyahan siya karon og maayo gumikan sa iyang kamanggihatagon. Pakpak!

Apan dili sab maayo uy nga magbuot kita sa mga tawo unsay angayan nilang buhaton sa ilang kwarta. Ilaha manang hinagoan, so silay magbuot unsaon na nila. In general, dili kita angay mamugos sa atong isigkatawo nga tabangan kita kay dili na nila responsibilidad. Kun tabangan kita nila, maayo. Kun dili sab sila masanong sa atong panginahanglan, wala gyud tay mabuhat niana. Pakkk!

Walay balaod nga mopa priso sa usa ka tawo kon magdumili siya pagtunol og donation. Naa hinuoy balaod nga hayan mopapriso nimo kun magdumili ka pagtabang sa usa ka tawo nga nag-ungaw sa kamatayon ang sitwasyon. Life and death situation sa lugar nga awa-aw and you refuse to help bisan aduna gyud unta kay kapasidad, pwede ka mapriso ana. But that's another story. Pakkk!

But in ordinary situations, you cannot demand nga tabangan ka sa imong isigkatawo. Private individuals do not have the responsibility nga ayudahan ka. Indulhensya ug konsensya na lang na niya kun motabang siya. Sa gobyerno ka dapat modemand og tabang or ayuda. Pakkk!

Ang pagtabang dili pugsanay. Kini angayan nga ihatag o buhaton nimo ngadto sa imong isigkatawo nga kinasingkasing. Have a blessed Sunday, dear okRYANians!