Ex-bf ni Gladys mitin-aw sa isyu

CEBU, Philippines — Hugtanong gihimakak sa  ex-boyfriend ni Gladys Guevarra nga si Leon Sumagui  ang akusasyon nga matud pa  gidagan niya ang halin sa mga baligyang pagkaon sa komedyanteng aktres.

“Simple lang naman po, kung may itinakbo man akong pera, tutal nakapaskil naman yung mukha ko sa social media. So, kung may itinakbo talaga akong pera, why not kasuhan na lang po ako? Or ipahuli na lang po ako sa pulis,” saysay pa  sa ex-BF ni Gladys  pinaagi sa YouTube video.

Gihangyo niya ang iyang mga kritiko nga dili dayon siya hukman.

Gihimakak usab niya ang pasangil nga matud pa gipanguwartahan ra niya si Gladys.

Coleen nanganak na

Gihimugso na ni Coleen Garcia niadtong Huwebes ang labing una nga anak nila ni Billy Crawford.

Babaye ang una nila nga liwat ug ginganlan kini og Amari.  Gipanganak kini pinaagi sa water birth sa panimalay sa magtiayon.

“There’s so much I wanna say, but for now, I just want to praise God for being so so good. Thank you, Lord, for our beautiful Amari,”  suma pa ni Coleen.

Sa iyang pagpanganak , naa gyud si Billy sa iyang kiliran.

“Billy, thanks for the massages and for being such a supportive husband! I appreciate you,” nagkanayon si Coleen.

Kapamilya movies molugwa sa Singapore

Pipila ka blockbuster movies ang ipasalida didto sa Singapore pinaagi sa TVOD sa StarHub.

Ipasalida sa maong dapit ang Unbreakable, The Hows of Us, Finally Found Someone, My Ex and Whys, Clarita, Bride for Rent, James & Pat & Dave, ug Love Lockdown.

“We are thrilled to be partnering with TFC to bring even more top-of-the-line Filipino content to our viewers. This is part of our transformation journey to offer customers greater accessibility and even more content choices," suma pa ni Yann Courqueux, ang vice president sa StarHub  nga gi-report sa ABS-CBN News.

Korina maoy ihulip kang Kris?

Niulbo karon ang hungihong nga si Korina Sanchez maoy mohulip  sa posisyon ni Kris Aquino isip host sa usa ka magazine show sa TV5.

 Una na nga gibutyag ni Kris sa miaging adlaw nga  nakahukom na ang producer nga dili siya ipadayon sa maong show.

Kahinumdoman nga nagkauban  sila si Kris ug Korina sa morning show kaniadto sa ABS-CBN.

Nadine nag-negosyo og buwad

Ang pagpamaligya og mga buwad maoy usa sa gikabisihan karon sa aktres nga si Nadine Samonte .

Suma pa ni Nadine nga mahilig pud siya sa pagkaon og buwad.

 Matud pa sa aktres nga  sa panahon karon, importante kaayo ang diskarte sa kinabuhi.

"Hindi ako nahihiya na magbenta ng ganito kasi sa panahon ngayon kailangan natin maging madiskarte and hindi nakakahiya kasi masarap talaga," suma pa niya.

Produkto si Nadine sa StarStruck  sa GMA -7 sa wala pa kini nibalhin sa ABS-CBN.

Pampawala sa kalaay

Nag-compose  si Bela Padilla og quarantine love song . Suma pa sa aktres nga  usa kini sa iyang pampawala sa kalaay atol sa lockdown.

Gikagobtan sa Tiktok

Nagbaha gyud ang nagsunod  sa mga video ni Miguel Tanfelix sa TikTok.  Nasayran nga  niabot na og kapin sa 3 million ang followers niya sa Tiktok.

LJ napunitan

Masulob-ong gibutyag ni LJ Moreno nga napunitan siya dili pa lang dugay. Mao unta kini ang ikaupat nga anak nila ni Jimmy Alapag. “They call it a missed miscarriage because I didn't bleed at first, but then the pregnancy stopped," saysay pa ni LJ  sa iyang vlog.

First baby

Nanganak na si Dianne Medina niadtong Huwebes ug mao kini labing unang anak nila ni  Rodjun Cruz. Lalaki ang maong bata ug ginganlan nila kini og Rodolfo Joaquin Diego III.

Suportado sa gf

Suportado ni Maureen Wroblewitz ang desisyon sa iyang uyab nga si JK Labajo nga mopahuway una sa social  media.  Nasayran nga gusto ni JK nga molihay sa kagubot sa social media.

Registered voters na

Dili gyud sipyaton sa Kapamilya stars nga sila si Maymay Entrata ug Edward Barber ang umaabot nga  piniliay karong 2022. Nigahin gyud og oras ang duha sa miaging adlaw alang sa pagparehistro.

“You Bring Out My Best”

Gi-release na kagahapon ang bag-ong single sa bandang Orange and Lemons nga “You Bring Out My Best.” “This is one of those songs we created on one day collaboratively,” suma pa sa  bokalista nga si Clem Castro.

Birthday gift

Atol sa pagsaulog ni  Neri Naig  sa iyang birthday dili pa lang dugay, gihimoan siya og kanta sa iyang bana nga si Chito Miranda. Ang maoy awit nag-ulohan og  "Smile"  nga magsilbing birthday gift ni Chito ngadto sa iyang asawa.