Upat ang grand winners

CEBU, Philippines — Sa labing una nga higayon, upat ang gideklarar nga mga kampeyon  sa “The Voice of the Philippines”  partikular na sa second teen edition niini.

Ang mga mananaog mao sila si Heart Salvador sa Team  Bamboo , Cydel Gabutero sa Team  Lea Salonga , Isang Manlapaz sa Team Apl.de.ap ug  Kendra Aguirre sa Team Sarah Geronimo.

Makadawat ang upat   og P500,000 ug brand new house. Mao usab kini ang unang higayon nga gibuhat sa  "The Voice" ang  virtual finale .

“Hindi pa rin po pumapasok sa isip ko na ito na po yung nangyari. Marami man pong nangyari like the pandemic, this season is really a historical moment kasi apat yung nanalo. Nagpapasalamat ako sa mga tao na sumubaybay at sumuporta at nagtiwala po sa aming apat,” suma pa sa usa sa mga mananaog nga si   Gabutero.

Khalil mobalhin sa GMA?

Miulbo karon ang hungihong nga matud pa mobalhin sa GMA-7 ang Kapamilya singer nga si Khalil Ramos .

Kun mahitabo kini, makauban na niya sa usa ka network ang iyang girlfriend nga Kalpuso actress  nga si Gabbi Garcia .

Human niulbo ang maong report, nagmaya ang fans sa duha ug nanghinaot kini nga magkauban sa  TV project  ang ilang mga idolo.

Kahinumdoman nagkapares sila si Khalil ug Gabbi sa pelikulang LSS sa miaging tuig nga entry sa Pista ng Pelikukang Pilipino.

Giidolo ni Regine

Giangkon ni Regine Velasquez nga duna gyud siya’y giidolo nga singer  sa dihang nagtubo pa lang siya sa probinsya.

Usa gyud siya ka fan sa Megastar nga si Sharon Cuneta.

“Madami [iniidolo ] pero yung talagang idol na idol ko, si Sharon Cuneta. Sharonian kasi talaga ako. At si Kuh Ledesma. Pero si Sharon yung talagang hanggang ngayon, nasa-starstruck ako sa kanya. Ganun ko siya talaga kagusto, ka-iniidolo,” saysay pa niya ngadto sa online show ni Toni Gonzaga nga “I Feel U”.

Gawas sa pagkanta , giidolo usab niya sa pag-arte ang Megastar.

“Yung mga pelikula niya kasi noon araw, relate na relate ako. Feeling ko ako yun eh. I have seen most of her movies sa cinema ha. Nag-iipon talaga kami para makapanood ng Sharon Cuneta movie,” dugang pa ni Regine.

Magsige og luto

Gipakita  ni Sanya Lopez ang iyang talento sa pagluto pinaagi sa iyang latest vlog. Nakatutok og samot si Sanya sa maong hilig  gumikan sa lockdown .

133M views

Nakabaton na og 133 million  views sa YouTube ang kissing scene nila ni Park Seo-joon ug Park Min-young sa K-Drama nga ‘What’s Wrong with Secretary Kim’ .Kahinumdoman nga nakakuha si Seo-joon og Top Excellence Award sa 6th APAN Star Awards tungod sa maong K-Drama.

Dangerous

Gi-release na ang second single ni Keiko Necesario nga nag-ulohan og “Dangerous”. Kabahin kini sa iyang album sa  Warner Music Philippines nga  Ready, Let Go. “I wrote ‘Dangerous’ with the idea of how difficult it could be to love someone you weren’t supposed to fall for,” suma pa ni Keiko.

Mga sikat

Malakip  si James Reid  sa “Overpass" virtual music festival karong September. Makauban niya sa maong kalihokan ang  Korean pop stars nga sila si Baekhyun sa EXO ug  Mino  sa Winner. Mo-perform usab sila si Malaysian artist Yuna, Thai singer Phum Viphurit, Korean rapper Gray, British singer-songwriter Joy Crookes ug  Los Angeles-based performing artist SOSUPERSAM.

Padayon sa pagtabang

Bisan  nga nahunong ang operasyon sa ilang network , nagpadayon gihapon ang pagtabang sa ABS-CBN Foundation sa  medical frontliners . Pinaagi sa ilang  Pantawid ng Pag-ibig ,ubay-ubay na ka health workers ang nahatagan nila og   PPEs (personal protective equipment).

Gisugat og kakulian

Natanggong ang pag-aktibo  unta og balik ni  KC Concepcion  sa telebisyon karong tuiga. Nasayran nga naabtan  kini sa  pandemya  ug sa pagkahunong sa operasyon sa ABS-CBN  busa nakaurong ang pipila niya ka projects.

Wala pa mahatag

Gikatahong wala pa makuha ni Brillante Mendoza ang kita sa pelikulang  Mindanao nga nalakip sa  Metro Manila Film Festival 2019.  Usa sa mga bida  niini mao ang aktres nga si Judy Ann Santos ug nakadawat kini og mga pasidungog sa MMFF.

Gipalit sa Ukay-ukay

Ni-click ang latest Instagram post ni Heart Evangelista kun diin gipahibalo niya nga nakapalit siya og nindot nga dress sa ukay-ukay didto sa Sorsogon. Suma pa ni Heart  nga napalit niya kini sa presyo nga P270.

Nakauyon sa K-Drama

Mahiligon si Alden Richards sa pagtan-aw og mga K-Drama. Labing ulahi nga gitan-aw sa aktor mao ang “It’s Okay Not To Be Okay” sa Netflix. Gibidahan kini nila ni Kim Soo Hyun ug Seo Ye Ji.

Loyal sa GMA

Usa si Antonio Aquitania sa mga karaang bitoon sa  gag show sa GMA-7 nga “Bubble Gang’ . Suma pa ni Antonio nga maayo ang pag-atiman sa GMA sa iyang career busa wala gyud siya kahuna-huna kaniadto nga mobalhin og laing network. “Mahal mo 'yung show. 'Yung GMA naman hindi naman ako pinabayaan, alam mo 'yun. Meron laging soap, meron silang ibang ibinibigay,” niya pa.

Naadik sa online games

Usa si Joshua Garcia sa mga naadik sa online games.  Mao kini ang iyang gikalingawan samtang naka-community quarantine ang ilang dapit.  Bag-ohay lang nibalik si Joshua sa pag-arte pinaagi sa digital series kauban ang iyang kanhi uyab nga si Julia Barretto.