Non-showbiz bf

CEBU, Philippines — Malipayon si  Bettina Carlos gumikan kay naangkon na gyud niya ang tinud-anay nga gugma. Gipaila ni Bettina ngadto sa iyang fans ang iyang  non-showbiz boyfriend nga ginganlan og Mikki Eduardo.

Rated Korina

Human nawala sa kahanginan , mobalik pinaagi sa ilang FB page ang programa ni Korina Sanchez nga  Rated K. Apan niining higayona, magtangag kini sa titulo nga Rated Korina. “Nawalan kami ng franchise. Pero hindi kami nawalan ng pagmamahal sa inyo. Nandito pa rin kami. Walang iwanan,” suma pa ni Korina.

Nakasabot ra

Nakasabot ra ang anak ni Manny Pacquiao sa ipanulti sa iyang bashers kalabot sa talento niya sa pagkanta. Pipila sa iyang bashers ang nilenggua nga nagsalig ra si Michael sa iyang apelyido. Apan gitataw ni Michael nga gipaningkamotan pud niya ang iyang talento.

Special guests

Sila si Bea Alonzo ug Angel Locsin  maoy special guests sa pilot episode sa online show ni Vice Ganda nga 'Gabing Gabi na Vice sa miaging gabii. Ang maong show tipik  sa mga nakalinya nga programa sa Vice Ganda Network.

Ipasigarbo ang trabaho

Gibutyag sa aktor nga si  Eric Fructuoso nga kinahanglan nga ipsasigarbo ang bisan unsa nga trabaho.  Bisan unsa kini ka  gamay, ang importante nga legal kini. Nag-post usab ang aktor  sa Instagram og hulagway sa tricycle.

Nahimong emosyonal

Emosyonal si “King of Talk" Boy Abunda samtang naghisgot kalabot sa pagka-shutdown sa ABS-CBN.Gihisgotan kini sa first episode sa iyang online YouTube series  nga “Talk About Talk”. Duha ka dekada na si Boy sa maong network.

DJ Loonyo makauban ni Sarah

Ang online sensation nga si DJ Loonyo maoy makauban ni Sarah Geronimo isip usa sa mga endorser alang sa 2020 census nga sugdan na sa  Philippine Statistics Agency  karong September 1. Nagmugna dayon si Loonyo og dance moves  sa census theme song  nga “Sama Na, Census Na” . Gi-compose kini sa PSA official nga si Florante Varona.

Nagpasalamat sa supporters

Mapasalamaton si JC Alcantara sa tanang nisuporta sa Boys Love series nila ni Tony Labrusca nga Hello Stranger.  Wala damha sa aktor nga mo-click ang tandem nila ni Tony.

Nataypan sa viewers

Nakadawat og mga positibong feedback ang  digital series nga Hook-Up nga usa sa mga episode sa Love Unblock sa Kapamilya Love Online. Gibidahan kini nila ni Arci Muñoz ug Gerald Anderson.

Tungod ni Aga

Gikatahong si Aga Mulach ang instrumento  nga naila-ila ni Vice Ganda  kaniadto ang boyfriend niya karon nga si Ion Perez. Sa wala pa nahimong kabahin si  Ion sa It’s Showtime, usa kini sa mga audience sa Gandang Gabi Vice. Sa paglugwa ni Aga sa maong show, nangita siya og lalaki sa audience nga ipaila-ila kang Vice ug si Ion ang nahulbotan.