Mantalungon

CEBU, Philippines — Naukay ang publiko human nilugwa ang usa ka video nga nagpakita sa makaluluoy nga sitwasyon sa Mantalungon, Dalaguete nga naila isip "Cebu's Vegetable Basket". Gipanglabay na lamang ang mga utanon gumikan sa ka abunda niini apan walay mupalit kundili man ubos kaayo ang demand.

Kana naggumikan gihapon sa pandemya. Higpit kaayo ang border security ug ang ubang mangomprahay mahadlok sab mugawas sa ilang tagsa tagsa ka mga lungsod gumikan sa virus.

Makaluluoy gyud ang mga farmers didto. Tiaw mo ba kana nga ang kilo sa cabbage mapalit ra og P8, apan inig abot diri sa syudad P65 na o mas mahal pa. Ang nabulahan mao ang mga negosyante. Ang naalaot mao ang mga mag-uuma kay gawas nga silay naghago, inutang pa gyud nila ilang gigasto pag-ugmad niining maong mga lagutmon. Karon nga adunay pandemya ug wala mahalin ilang produkto, perting alkansiha.

Gumikan kay nagviral ang maong video nga gimugna sa mag agaw'ng Mitzi ug Rhie Ambrad ug mga kaubanan, nideklara si Governor Gwen Garcia nga mutabang ang probinsya sa kasamtangang sitwasyon. Maghunahuna pa si Garcia asa dad on ang maong mga utanon apan nisaad siya nga tabangan ang mga mag-uuma.

Aduna sab koy higala nga kanhi beauty-queen nga nagpakisayod niadtong miaging adlaw unsaon nga maka contact siya sa Dalaguete kay mutabang sila sa ginagmayng pamaagi. Plano nila nga mamaligya og fresh vegetables gyud nga barato ra ang presyo apan unya na kun dili na kumplikado ang pagkuha niining maong mga utanon gikan didto paingon dinhi sa dakbayan.

Unta, ang ubang LGU, inay delata ang ipanghatag nga ayuda, utanon na ang iapod-apod aron gawas nga makatabang kita sa mga mag-uuma, sustansyado sab ang atong gikaon. Aduna na hinuon koy mga nakita nga pipila ka LGU dinhi sa Sugbo nga ingon ana na ang gibuhat. Pakpak!

Mahimo sab nang mga utanon nga i-process into pickles aron ma-export. Long term solution na. Kinahanglan sab gyud og capital.

Manghinaot kita nga matuman kanang maong long term solution sa dili madugay. As for us, let's eat utan pa more, ilabi na taliwala niining pandemya, aron mulig-on atong immune system ug malisud tumpagon sa virus.

A blessed Sunday, dear okRYANians!