Winwyn namaligya og pandesal

CEBU, Philippines — Usa sa pampa-relax sa beauty queen nga si Winwyn Marquez mao ang baking.

Nasayran nga namaligya si Winwyn og pandesal ug  gibaligya niya kini pinaagi sa online.

Gawas sa negosyo, aktibo usab ang acting career ni Winwyn.

Nalakip siya sa digital series sa iWant nga Beauty Queens kun diin kauban niya sila si  Gloria Diaz, Maris Racal, Ross Pesigan ug Nella Dizon. 

Direk Erik dili uyon sa pelikula ni Vice

Wala kauyon si Direk  Erik Matti  sa pagkalakip sa pelikulang Praybet Benjamin 3 sa Metro Manila Film Festival 2020  .

Ang maong pelikula gibidahan sa komedyanteng TV host-actor nga si Vice Ganda.

“Bagsak na nga ang pelikula, sumara na ABS, Praybeyt Benjamin pa rin palabas sa Pasko?” Walang nagbago a! Kinangkina!,” suma pa sa Facebook post sa direktor.

Usa ang direktor sa vocal kaayo  sa pag-ingon kaniadto nga unta usbon napud ang criteria sa pagpili og pelikula nga malakip sa MMFF.

“5 months lockdown. Thousands of content binged.Biggest network closes. Praybeyt Benjamin. We never learned,” dugang post niya. 

Anghel luyo sa kamera

Gibutyag sa TV director nga si Lester Pimentel Ong  nga saksi gyud siya kun unsa ka maayo nga tawo si Angel Locsin kun diin nakaingon gyud siya nga usa gyud ka anghel ang aktres luyo sa kamera.

Suma pa niya nga duna sila’y usa ka stuntman kaniadto nga nadisgrasya .

Gikatahong maglisod og bayad ang maong stuntman sa dako kaayo nga hospital  bill  ug si Angel maoy nibayad niini.

Naandan na ang hilom nga pagtabang ni Angel ug mahibaw-an ra kini  sa publiko gumikan sa testimonya sa mga tawo nga nakasaksi niini.