Bangs nanganak na

CEBU, Philippines — Gihimugso na ni Valerie "Bangs" Garcia sa miaging adlaw ang ikaduhang anak nila sa iyang bana nga si Lloyd Birchmore.

Ang maong bata adunay gibug-aton  nga 7.8 lbs.

Ilaha kining ginganlan og Isabella . 

Isyu sa utang gihimakak ni Sheryl

Hugtanong gihimakak ni Sheryl Cruz ang akusasyon sa iyang kanhi higala nga OFW  nga ginganlan og “Alex” nga matud pa iyaha kining giutangan sa dihang nidagan siya pagka-konsehal sa Manila niadtong 2019.

Kahinumdoman nga nagpatabang kang  Raffy Tulfo ang maong OFW.

Suma pa sa aktres nga wala siya’y utang busa gihagit niya ang kanhi niya higala nga mopakita  og basehan o ebedensya nga duna siya’y utang. 

Tigulang gisurpresa ni Heart

Dili gyud mahimutang si Heart Evangelista kun kanunay lang siya magpundo sa balay nila  sa iyang bana nga si Chiz Escudero didto sa Sorsogon kun diin nagsilbing gobernador ang iyang bana.

Sa miaging adlaw , gibisita sa aktres  ang tigulang nga maglisod na og lakaw human na-stroke.

Puwerting lipaya sa tigulang nga babaye gumikay kay personal siya nga gihatagan ni Heart og wheelchair .

Suma pa ni Heart nga  ang apo sa pasyente maoy nag-wish niini alang sa iyang lola. Kahinumdoman nga giduaw usab ni Heart ang mga tambalanan sa Sorsogon sa miaging semana ug nanghatag  og vitamins.  

Debut single sa JaMill ipalanog ugma

Nagpanikad na sa ilang debut single ang mga online sensation nga sila si  Jayzam Manabat  ug  Camille Trinidad nga nailhan usab isip JaMill.

Ang maong awit nag-ulohan “Tayo Hanggang Dulo” nga ilusad na ugma , July 24.

Ang  Star POP   maoy nagpaluyo niini .

"'Yung kantang po na 'yon ay pinaghugutan po talaga namin ay sa kung ano kaming dalawa. Kami po hanggang dulo,Kaya abangan niyo po 'yung kanta namin," suma pa ni Jayzam.

Sa pagka-karon ang YouTube Channel sa JaMill adunay  10.3 million subscribers. 

One Music PH manirado na

Nagmasulob-on ang music industry  gumikan may human sa lima ka tuig, manirado na ang One Music PH nga usa sa mga  online music platform sa ABS-CBN..

Nasayran nga wala nay maka-operate niini sanglit  mawagtangan naman kini og trabahante.

Usa ang One Music PH sa mga naapektohan human wala na-renew ang franchise sa ABS-CBN.

Matud nga tumong unta sa One Music PH ang pag-promote sa local music.

Usa kini sa nakatabang sa dihang gisudlan ni Maris Racal ang  pagkanta. Wala damha ni Maris kaniadto nga gawas sa pag-arte, nabatyagan usab ang iyang talento sa pagkanta.

Dominic ug Bea nagkasinabtanay na?

Nisamot kakuryuso ang fans ni Dominic Roque sa tinud-anay nga istado nila ni Bea Alonzo.

Sa miaging gabii , nag-post napud og balik si Dominic og hulagway nila ni Bea.

Aduna kini caption nga “tila ako’y nabighani…” ug gipakapinan niya og heart emoji.

Makapila na nga higayon nga nasigpatan ang duha nga nag-uban sa pagpanuroy.

Naa usab kanunay  ang presensya ni Dominic sa mga family gathering ni Bea.

DJ sa iFM , COVID-19 survivor

Malipayong gianunsyo  sa usa mga DJ sa 93.9 iFM nga si Boy Kirat nga naayo na siya sa sakit nga COVID-19.

Matud pa ni Boy Kirat nga sa miaging buwan,  nakasinati siya og  grabeng labad sa ulo, taas nga hilanat, pagkawala sa panlasa, dili makatimaho ug pagpanakit sa lawas.

Tungod sa  kabalaka , nagpa-swab test siya og positibo ang resulta.

Samtang naka-home quarantine og kapin usa ka buwan , kanunay gyud bation og kabalaka si Boy Kirat ug nahuwasan lang siya sa dihang negatibo na ang resulta human siya nagpa-test og balik kapila ka higayon.

Nagpasalamat si Boy Kirat  sa mga kaubanan niya sa DYHP 612 ug iFM 93.9 nga misalo sa pipila niya ka responsibilidad.

Mapasalamaton usab siya sa mga opisyales ug staff sa DOH-7, Cebu City Health ug Barangay Capitol Site nga wala gyud siya pasagdi.

Dili usab niya kalimtan ang pagpasalamat sa Ginoo ug sa iyang Mommy Helen nga maoy nag-abag kaniya.

Suma pa ni Boy Kirat nga ang  pagsalig niya sa Ginoo ug ang pagpalig-on sa iyang immune system maoy rason nga naayo siya sa COVID-19.