Bag-ong awit sa Ben&Ben mikisaw na

CEBU, Philippines — Madungog na sa Spotify ug Apple Music ang awit sa Ben&Ben nga “Nakikinig Ka Ba Sa Akin”

Ang maong awit naghisgot sa importansya sa pagpaminaw  ug pagrespeto sa opinyon sa ubang tawo.

Samtang nagsagobang og health crisis ang nasud, walay hunong ang Ben&Ben sa pagsuwat og kanta kun diin maka-relate gyud ang kadaghanan.

Kahinumdoman nga nasuwat usab nila atol sa quarantine mao ang awit nga "Lifetime” .

Usa sa gikagobtan karon sa music lovers nga  awit sa maong grupo mao ang “Leaves”. 

Nadawat na

Hagbay ra nga nadawat ni Yam Concepcion ang kamatouran nga mahimo gyud siya nga suki sa hate messages . Usa si Yam sa mga kontrabida sa Kapamilya afternoon series nga Love Thy Woman.

Migradwar na gyud

Nakahuman na gyud sa kolehiyo ang Bubble Gang star nga si Denise Barbacena. Nahuman niya ang kursong Medical Technology  sa Our Lady of Fatima University sa Antipolo.

Kusog ang negosyo

Nagmaya si Marian Rivera  gumikan kay grabe ang pag-click sa negosyo niya nga buwak. “Thank you so much for all your support and positive feedback ,” suma pa sa social media post sa aktres.

UKG nahunom

Nahunom  na ang pagsibya sa programang Umagang Kay Ganda sa ilang official social media account . Sa ilang latest post, giingong mahunom sila gumikan krisis nga ilang giatubang . Nasagmuyo og maayo ang usa mga host niini nga si Gretchen Ho. “This was the news that broke today. I just have no words for everything that’s been happening. We hope to see you again,” suma pa ni Gretchen.

Makagahot gyud

Hagbay ra nagplano si Sharon Cuneta nga mopahuway og balik sa social media apan dili malikayan nga moaktibo niini  gumikan sa netizens nga grabe manaot sa iyang pamilya. Dili malikayan makapatol siya sa iyang bashers gumikan kay masakitan gyud siya kun daoton ang iyang pamilya.

Giatngan og maayo

Miabot na sa 20 ka adlaw nga nag-una sa  sa iTunes Philippines pre-order chart ang upcoming song ni Asia’s Pop  Diva Julie Anne San Jose nga Bahaghari. Kauban niya sa maong awit ang rapper nga si Gloc-9.  I- release ang Bahag­hari karong July 10.

Ganahan mag-direktor

Intresado si Joseph Marco nga suwayan ang paghimo og pelikula nga siya ang direktor.  Na-intresado siya sa maong butang human siya nalakip sa international series nga The Bridge.

Nag-online business

Aron dunay kabisihan panahon sa quarantine  , nag-online business ang singer nga si Jessa Zaragoza. Suma pa sa singer nga importante kaayo nga duna gihapo’y kita karong panahona samtang nakahunom ang iyang mga raket sa pagkanta.

Nag-vlog napud

Pagtungtong og usa ka tuig sa ilang anak , gilusad dayon sa mag-uyab nga sila si Geoff Eigenmann ug Maya Flores ang ilang YouTube Channel.“Welcome to our official YouTube channel! Join us as we share with you our everyday life at the Eigenhouse! We hope you like and subscribe,” suma pa ni Geoff

Naglisod intawn

Gibutyag sa singer nga si Zsa Zsa Padilla  nga dako gyud og  natabang kaniya ang ABS-CBN mao nga nakugang siya  sa pagkahunom sa operasyon niini.