Kris gilinyahan og product endorsements
CEBU, Philippines — Miulbo ang taho nga matud pa nagbaha ang nadawat nga mga offer ni Kris Aquino sukad kini nipirma og kontrata sa Cornerstone Entertainment.
Suma pa report nga naglinya na karon ang product endorsements ni Kris.
Kalabot usab sa iyang TV projects, wala pa maghisgot si Kris niini apan andam na kini molugwa sa telebisyon.
Catriona nanalipod sa LGBT
Gidepensahan ni 2018 Miss Universe Catriona Gray ang mga miyembro sa LGBTQ+ community nga gisikop sa mga pulis human nag-rally alang sa kasaulogan sa Pride Month.
“Is this the new normal?”Earlier today a peaceful #PRIDE rally held in Manila where mask wearing participants practicing social distancing were met by police in riot gear and arrested. When questioned by the witnesses and media about the reason or violations for arrest, the police gave no response,” suma pa sa IG post sa beauty queen.
Nailhan si Catriona isip usa sa mga supporter sa LGBT.
“If proper health guidelines were being followed, (social distancing, mask wearing) why the use of force? ,” pangutana ni Catriona.
Suma pa sa beauty queen nga dunay katungod ang LGBT sa pagpalanog sa ilang tingog.
“We have the right to raise our voice. Pride, since the beginning has been a protest. Now is the time to speak up,” dugang pa niya.
Amahan sa bata gisekreto
Nagdumili gihapon pagbutyag si Miss Philippines Earth 2009 Sandra Seifert kun kinsa ang amahan sa iyang anak.
Nakaingon ang beauty queen nga malipayon kaayo ang iyang kinabuhi tungod sa iyang anak.
Kahinumdoman nga na-link si Sandra kaniadto ngadto sa aktor nga si Cesar Montano.
Ilaha kini nga gihimakak apan makadaghan na sila nga nasigpatan nga nag-uban sa pagpanuroy.
Mihatag og katin-awan
Giklaro ni Beauty Gonzalez nga tinud-anay ug dili alang sa showbiz project ang pagpaubos niya og training sa special operations unit sa Philippine National Police-Aviation Security Group.
Suma pa niya nga giandam na niya ang iyang kaugalingon sa pag-alagad sa katawhan.
"Not for a Show, Not to train for a show, But to serve, in any possible way i can, when called upon,” suma pa sa iyang IG post.
- Latest
