Devon mibiya sa GMA Artist Center

Nag-usab na og talent manager ang Cebuana nga Kapuso actress nga si Devon Seron ug hingpit na kini nga nipirma og kontrata kang Arnold Vegafria nga mao usab ang manager sa iyang boyfriend nga si Kiko Estrada.

Nasayran nga wala na mo-renew si Devon sa GMA Artist Center.

Sa pagpirma niya og kontrata kang Vegafria, giubanan gyud siya ni Kiko.

Produkto si Devon sa  Pinoy Big Brother: Teen Clash  niadtong 2010 sa  ABS-CBN. Nibalhin siya sa GMA-7 niadtong 2018.

Lloydie mihangyo sa katawhan

Nihangyo si John Lloyd Cruz ngadto sa katawhan nga motuman sa health protocols samtang nag-atubang ang nasud og health crisis.

Sa video  nga gi-upload sa Facebook page sa University of the Philippines Medical Alumni Society – Cebu Chapter, gitataw ni Lloydie kun unsa ka importante ang pagsul-ob og mask, paghugas og kamot ug pagpuyo sa balay.

“Ako man guilty usahay.  Pero sugod karon, wa nay rason. No more excuses. Magsuot ho tayo ng face mask. Maghugas lagi ng kamay. Manatili po tayo sa ating mga balay . At kung kinakailangan po lumabas, sundin po ang social distancing. Naay paglaum. Kita ang paglaum,” matud pa ni John Lloyd.

Kasamtang nag-istar si John Lloyd  sa Dakbayan sa Sugbo  nga  maoy nag-una sa labing daghan nga kaso sa COVID-19 sa tibouk nasud.

Uyab na ba?

Nangumosta ang fans nila ni Joshua Garcia ug Janella Salvador sa ilang mga idolo kun unsa naman ang ilang istado.

Wala gihapon motingog ang duha  kalabot sa maong intriga.  Nabatyagan ang ka-sweet sa duha kaniadto pagkahuman sa ilang teleserye sa miaging tuig nga The Killer Bride. Subling nanawagan ang ilang fans nga unta magpares og balik sa usa ka proyekto ang ilang idolo.