Secret Garden karong June 15

CEBU, Philippines — Sugod karong Lunes , June 15 ipalugwa og balik sa Philippine Television ang Koreanovela nga “Secret Garden”.

Ang  Secret Garden,  usa ka award-winning romantic comedy nga gibitoonan ni  Hyun Bin nga nailhan usab isip Captain Ri Jeong-hyeok sa “Crash Landing On You" . Nalakip usab niini si  Ha Ji Won, ang lead star sa "Hwang Jini."

Ang Secret Garden makita sa GMA-7 sa panghapon nga slot, inigkahuman sa Stairway To Heaven.

Nakabalik na sa taping

Gikatahong bag-o na gyud nga episode ang makita aa  Kapuso sitcom nga Daddy’s Gurl  sugod ugma sa gabii.

Ang maong sitcom gibitoonan nila ni  Vic Sotto ug Maine Mendoza. Gipaneguro sa direktor niini nga si Chris Martinez nga sundon gyud nila ang health protocols.

TF ni Rain idonar

Misaad ang K-pop superstar nga si Rain  idonar niya ang iyang kita sa iyang denim endorsement ngadto sa mga kababaenhan nga naapektohan sa COVID-19 pandemic.

Ang naghupot niya nga  Sublime Artist Agency (SAA) maoy nag-anunsyo niini.

Pipila sa paliton ni Rain mao ang mga sanitary napkin.

Suma pa ni Rain  nga daghan siya og proyekto busa angayan lang nga iya kining ipaambit ngadto sa mga nanginahanglan.

Juday-Piolo movie?

Bukas gihapon si Judy Ann Santos sa  posibilidad nga makabaton sila og  reunion project ni Piolo Pascual sanglit mao gihapon kini ang request sa ilang fans hangtud karon.

Unang nagpares ang duha kaniadto sa pelikulang “Don’t Give Up On Us Baby” niadtong 2006.

“Siguro kapag nagkaron na ng vaccine at pwede na lumabas lahat ng tao di ba?Siguro matutuloy na siya. We’ll see,” niya pa.

South Korean director makatrabaho ni Carlo

Nagmalipayon si Carlo Aquino  gumikan kay makatrabaho niya puhon ang sikat nga  South Korean director nga si  Hwang Dong Hyuk. “A handwritten note from a brilliant director. Wooop!! Couldn’t be more excited to work with you guys once this pandemic is over,” suma pa ni Carlo.

Usa ka award-winning director si Hwang ug pipila sa iyang mga pelikula naglangkob sa “My Father”, “The Crucible”, “Miss Granny”, ug “The Fortress.”

Gani nahimoan og Pinoy adaptation ang iyang “Miss Granny”niadtong 2018 nga gibitoonan nila ni James Reid ug Sarah Geronimo.

Coco gitambagan  ni Sen. Lapid

Atol sa pagduaw ni Coco Martin   sabuhatan ni Senator Lito Lapid sa Senado sa miaging adlaw, nakadawat kini og tambag gikan sa senador kalabot sa pagsagbang og bashers.

Giingnan ni Lapid si Coco nga dili tagdon ang ipanulti sa bashers.

Matud pa ni Lapid nga tipik sa iyang pagka-public figure ang pagdawat og mga pagsaway.

Nihatag usab og tips si Lapid alang sa mga dagkong twist sa pagpadayon  sa Ang Probinsyano.

Kahinumdoman nga nahimong kabahin si Lapid kaniadto sa maong teleserye.

Sekretong gitabangan ni Angel

Mapasalamaton ang 72-anyos nga si Elmer Cordero ngadto kang Angel Locsin gumikan kay sekreto kining nagpadala kaniya og  tambal, alcohol ug uban pa sa dihang natanggong pa siya sa prisohan.

Usa si Elmer sa mga PUJ driver nga nadakpan  human kini niapil sa protesta nga nanawagan nga makabiyahe na sila og balik.

“Maraming salamat Angel Locsin sa lahat ng itinutulong mo sa aming suporta sa loob ng kulungan pati ‘yung gamot tsaka alcohol. Lahat kumpleto, lahat ng mga tulong mo, maraming maraming salamat,” suma pa ni Elmer.

Dili lalim ang pag-adjust

Giangkon ni Andi Eigenmann nga dili pud lalim ang iyang gipang-agian sa dihang gipili niya ang simple nga kinabuhi.

“I’ve been living here for almost two years now and at the beginning even if ayun nga pangarap ko, pinagarap ko, hindi na siya naging madali. I still had to adjust some ways especially I didn’t have a family here, I don’t have my mom or any of my siblings and best friends Minsan-minsan lang naman silang nakakapunta dito so in that sense naging mahirap siya,” suma pa ni Andi sa interview niini sa programang  Anong Ganap? sa Viva TV.

Malipayon rapud siya sa iyang partner nga si Philmar Alipayo gumilan kay mao kini ang nitabang kaniya aron dili siya tantong ma-cuture shock.

“But I’m so thankful that I have Philmar. I didn’t move here by myself. So ‘yung culture by myself. So ‘yung culture shock kahit papaano nu’ng simula, si Philmar natulungan niya ako na makapag-adapt. And besides, I really enjoy their way of life here. So ayun I feel like bagay naman ako,” suma pa ni Andi.

Malipayong gipahibalo ni Andi nga nag-vlog na sila sa iyang partner nga nag-ulohan og

Happy Islanders nga nag-feature sa kanindot sa Siargao.

“We think like because we live in such a beautiful place and you know, he’s an amazing surfer, it’s nice to take videos and you know, share it to the world via YouTube channel. Pero ‘yung ginawa ko nu’ng ginawa namin ‘yung first vlog namin - nu’ng pinost ko siya — for fun lang talaga siya. As in practice lang. And it worked. Tapos siyempre na-iinspire kami kasi nakakatuwa naman na people want to see and you know, more about our us through our vlogs so we made more,” niya pa.