Impormasyon nga sagrado

FAST FACTS:

Name: Fe Marie D. Dumaboc

Nickname: Fem/Dayin

Age:  31

Address: Pungtod, Oslob, Cebu

Height: 5’0

Weight: 47 kg

Vital Statistics: 34, 25, 35

Hobbies: Reading, cooking, watching movies series

Motto: Everything will be okay.

School (college): University of San Jose Recoletos (USJ-R)

Course and year graduated: AB Mass Communication (2009)

Titles/ Achievements/ Media years: 11 years in the media

Midagayday na sa kaugatan ang pagpangalagad pinaagi  sa paghatod og importanteng impormasyon ngadto sa katawhan.   Ang bag-ong reporter sa Balitang Bisdak sa GMA-Cebu nga si Fe Marie Dumaboc nidawat sa dugang hagit sa pagpanibya sa bag-o niya nga network.

Sa wala pa siya nalandig sa GMA-7 Cebu,  nakatrabaho na siya sa nagkalain-lain nga media outfit kaniadto busa matawag nga duna siya’y igong bala sa pagdawat niya sa bag-ong hagit. Sa natad sa telebisyon, nagsugod una siya sa CCTN Channel-47 diin nagpasilong siya dinhi sulod sa daghang katuigan. Sa radyo, nadungog usab siya pinaagi sa dyRC.

Dakong garbo alang kang Fe nga mahimong kabahin sa Balitang Bisdak kun diin katrabaho na niya sila si  Bobby Nalzaro, Alan Pacional Domingo, Cecille Quibod Castro, Mai-mai Rondina, Reyn Nikko Sereno ug Chona C. Carreon.

Una na nga nabalita dinhi sa Banat Hugyaw kaniadto nga dili basta-basta ang Balitang Bisdak team sanglit mao kini ang nag-train sa ubang news correspondents sa ubang regional stations sa GMA.

Saktong pagbalanse  sa oras ang kanunay nga i-apply sa iyang kaugalingon apan kanunay siyang nangandam alang sa higayon nga dunay mga panghitabo sa palibot nga angayan usab isabwag sa publiko.

Q AND A

BNH: Unsang pagkahitaboa nga ganahan man ka mahimong reporter?

Fe Marie: Sa dihang nakadaog ko sa editorial and feature writing contest during the Provincial Schools Press Conference, sa grade 5 ko, naingganyo ko to be one of those reporters nga ako makita sa TV.

BNH: Giunsa nimo pagsulod sa GMA?

Fe Marie: Dunay nag-ingon nako 5th team (reporter and cameraman) is open for hiring, so I tried my luck, and thanks God, He really put everything into its right place and time for me.

BNH: Imong gibati sa dihang naabot ka sa GMA?

Fe Marie:  Nagsagol gyud ang emotion, excited, thrilled, grateful, nakulbaan if kaya ba nako? Kaya ba nako ang ilang expectations? Pero very eager sad ko to learn more, sa new challenges and excited to work with GMA Cebu people, kay most of them nakaila naman sad nako.

BNH: Kinsa imong giidolo nga GMA media personalities?

Fe Marie: Sila si Mam Jessica Soho and Vicky Morales

BNH: Naa ba’y time naawayan ka og news source?

Fe Marie: Wala ra hinuon.

BNH: Sayon ba o lisod ang trabaho sa usa ka reporter?

Fe Marie: Sayon ug Lisud, Sayon kay I really love this profession, gani passion gyud siya nako, kana gani bisan nay laing greater opportunity outside media industry, pero I still choose this kind of job. Love gyud ni nako! –Lisud sad gyud, dili basta-basta ang pag-gather sa information, verifying it, pagsiguro nga tanan sources makuhaan sa ilang side. Dapat responsible enough in making the story.

BNH: Kinsa imong inspirasyon sa imong kinabuhi?

Fe Marie: My family, especially my daughter.

BNH: Unsa imong tambag sa mga tawo nga nangandoy pud mahimong reporter?

Fe Marie: Kun imo gyud siya nga dream, make it your passion too, first, don’t count how much you’ll earn (salary, however mo-improve ra sad na, depende sa company and if mo-improve sad ka). But count how much you will learn (experience, flexibility, handling emotions, expertise, a lot more), kay every day is a learning process gyud. And dapat you really have a heart to serve.

BNH: Unsa usa sa imong kasinatian nga dili malimtan sa pagsulod nimo sa media world?

Fe Marie: During sa coverage sa panagbangga sa cargo ship ug passenger vessel, diha sa Lawis ledge sa Talisay City, 2013. Bisan nakauli na from duty, ni-field og balik, and aside from news gathering, we were able to help survivors. Kami sa among team, nakahatud nila padung hospital. Dili sad malimtan ang Supertyphoon Yolanda coverage, sa northern Cebu. Very memorable sad ang coverage sa International Eucharistic Congress, ug mga coverages may labot sa pandemic sa Covid 19, dili ko gyud ni malimtan.

BNH: Pangandoy nimo nga imong ma-interview puhon?

Fe Marie: Si Pope Francis, hopefully.

BNH: Para nimo, nganong dako og papel ang tigbalita ngadto sa komunidad?

Fe Marie: Importante kaayo kay ang mga tigbalita usa sa mga bearer of information nga needed sa mga tawo diha sa decision-making sa life, sa family, sa community. Ug nakita karong panahona sa COVID-19 pandemic ang dakong panginahanglan for local news kay ang mga tao uhaw kaayo sa mga balita nunot ning bag-ong’ virus, nga nakaapekto sa kadaghanan. Importante kaayo nga matagaan nato sila sa saktong impormasyon taliwa sa mga fake news nga nanggawas. Importante sad kaayo nga responsable ka nga tigbalita.