Lyca mihimakak sa “retoke issue”

CEBU, Philippines — Hugtanong gihimakak sa singer nga si Lyca Gairanod ang nitumaw nga taho nga matud pa giparetoke niya ang iyang nawong.

Nasayran nga nagka-sexy ug nilutaw ang kaanyag ni Lyca  samtang nagkadalaga.

Apan  duna siya’y followers nga  nakuryoso  niini ug nagduda nga nagparetoke ang singer.

“Hindi po ako retokada. Kahit isa hindi po ako nagparetoke. Kahit ‘yung turok- turok, ‘yung nagpaputi daw ako, hindi rin. Ang tawag don huwag lalabas ng bahay para pumuti-puti lang,” suma pa ni Lyca.

Kontento na siya sa iyang lawas ug wala siya’y plano sa maong butang.

“Wala akong balak magparetoke,”niya pa.

Si Lyca ang grand winner sa unang season sa The Voice Kids niadtong 2014.

Pia ug Jeremy nagpaklaro na

Nakadawat si Pia Wurtzbach og sweet surprise gikan sa gidungog niya nga boyfriend nga si Jeremy Jauncey.

Taod-taod na nga gihugon-hugon nga dunay relasyon sila si Pia ug Jeremy nga founder sa Beautiful Destinations.

Sa  Instagram post ni Pia , gibutyag  sa beauty queen nga nakadawat siya og mga buwak gikan ni Jeremy.

“Thank you for the sweet surprise ,” suma pa ni Pia ug gi-tag niya si Jeremy.