P69, 000 ang ipanghatag!

CEBU, Philippines — Wala  mahinayon ang gitakda unta ni Kris Aquino nga Saturdate FB Live kagabii diin, lima ka mga mananaog unta ang makadawat og P5,000 nga regalo gikan niya. Kini kay naglain iyang lawas, ug matud ni Kris, kinahanglan nga paminawon niya ang iyang lawas.  Apan dili angay maguol kay ugma, 18 ka mga tawo ang iyang regalohan.

“And since pinaghintay ko kayo, 8 people will get PHP3,000 each, 5 people will get PHP4,000 each, and 5 will get PHP5,000 each from me. #lovelovelove”.

Niadtong Mother’s Day, 10 ka mga tawo sab ang nakadawat og tag P5,000 cash gikan kang Kris ug iyang anak nga si Bimby.

Jam with Julie

Apan kun na-postpone ang FB Live ni Kris, nahinayon ang concert ni Julie Ann San Jose kagabii nga gipakita sa FB pages sa GMA Artist Center ug Universal Records.

Giulohan og Jam with Julie, selebrasyon kadto alang sa 26th birthday ni Julie Ann.

Dili Drama

Gidepensahan ni Vina Morales ang iyang manghud nga si Shaina Magdayao batok sa us aka basher nga nikomentaryo nga nagdrama ang nauwahi sa video niini nga nipadayag og suporta ngadto sa ABS-CBN.

Matud ni Vina ngadto sa basher, sa teleserye ra mahitabo ang drama. Pagkakaron, nakigbisog sila alang sa ilang mga kaubang empleyado nga nameligrong mawad-an og trabaho.

Kapuso uy!

Gikorihian ni Derek Ramsay ang usa ka netizen nga ni question nganong mamaligya siya’g sakyanan. Matud sa netizen nga bag-o pa gani nanirado ang estasyon sa actor, unya naglisud na dayon kini og kwarta. Tubag ni Derek, GMA-7 talent siya ug dili ABS-CBN. Dugang pa niya, kun mamaligya man gani og sakyanan, wala kana nagpasabot nga naglisud na.

Padayon ang training

Walay undang ang training sa nalakip sa Star Hunt Academy trainees. Suma pa, sukad pa sa nilabay nga tuig nagpadayon ang ilang subsob nga training nga gidumala og mga Pinoy ug Korean coaches, sa tumong nga mamahimo silang world-class performers.