Nakahipos og P2 milyones

CEBU, Philippines — Nagmalampuson ang  online concert ni Sharon Cuneta sa miaging gabii.

Nakahipos kini og kapin sa P2 million nga donasyon alang sa "Pantawid ng Pag-ibig"  sa ABS-CBN .

Gikanta ni Sharon ang sikat niya nga mga awit nga sama sa  "Maging Sino Ka Man," "Tubig at Langis," "Mr. DJ," "Sana'y Maghintay Ang Walang Hanggan," ug “Kahit Maputi Na Ang Buhok Ko.”

Duna pud siya’y cover sa OPM classics nga sama sa “Kahit Konting Pagtingin,"  "Ngayon at Kailanman," "May Bukas Pa," "Pangako Sa 'yo," ug  "Ikaw Lang Ang Mamahalin." Ang maong concert nag-ulohan og "Love and Music: Sharon, A Mother's Day Special".

Rebelasyon Karen duha na ang anak

Pinaagi sa iyang latest vlog, giangkon sa kanhi Pinoy Big Brother Teen Edition Season 4 housemate nga si Karen Reyes nga usa na siya ka inahan.

Gipabuhagay niya ang maong rebelasyon  atol mismo sa Mother’s Day.

Duha na ang iyang anak,  ang dos anyos nga si Olivia, ug ang siyam ka buwan na nga si Lucas. Wala mag-mention si Karen kun kinsa ang amahan sa iyang anak.

Una na nga  gikataho kaniadto nga iyang uyab si Raymund “Sarkie” Sarangay nga bokalista sa Silent Sanctuary.

Ka-batch ni Karen sa PBB niadtong 2012 mao sila si Myrtle Sarrosa, Kit Thompson,  Joj ug Jai Agpangan, Tom Doromal, ug Yves Flores. Nakahilak si Karen samtang gihisgotan ang iyang kaagi.

“2016, I got pregnant habang ginagawa namin yung Ex and Whys (movie). Nabuntis ako sa first baby ko. Yes, may second baby ako…” suma pa ni Karen. Nahadlok siya moangkon sa publiko busa nagpakahilom lang siya kaniadto.

“Natakot ako kaya hindi ko nasabi agad.

Natakot ako dahil hindi ko alam kung tatanggapin pa ako ng mga tao, kung may babalikan pa ako sa showbiz,” emosyonal nga mensahe ni Karen. Nagsagunson matud pa ang iyang mga proyekto kaniadto busa dili gyud siya andam mosulti niini. Wala pud niya sultii  niadtong higayona  ang iyang inahan.

“Wala talaga akong makausap, wala akong masabihan ng nararamdaan ko, puwera na lang sa ate ko at best friend ko,” dugang pa niya.

Samtang naka-Enhanced Community Quarantine (ECQ), nakahuna-huna ang aktres nga dili na siya  angayan mahadlok sa pagyagyag kalabot sa iyang istado.

Ben and Ben nataypan

Aduna’y laing fan ang Ben and Ben ug kini mao ang miyembro sa K-Pop group nga Red Velvet nga si Wendy.

Nauyonan ni Wendy ang awit sa Ben and Ben nga “Maybe The Night” .

Kahinumdoman nga nakauyon pud sa Ben and Ben ang miyembro sa laing K-Pop group nga NCT Dream nga si Chenle.

Sonny Parsons mipanaw

Nipanaw sa edad nga 61 si Jose Nabiula nga nailhan sa kadaghanan isip Sonny Parsons.  Atake sa kasing-kasing ang hinungdan sa kamatayon sa singer-actor.  Nailhan si Parsons sa kadaghanan gumikan kay siya ang lead singer sa all male group nga Hagibis nga maoy nagpasikat sa mga kantang “Legs”, “Katawan”, “Lalake” ug uban pa. 

Digital show

Balik-hosting ang Kapamilya TV host nga si Toni Gonazaga alang sa digital show nga “I Feel U”.  “Actually itong show na ito ang magtutuloy ng connection sa mga Kapamilya natin all over the world na sabik mapanood ang programa ng ABS-CBN, sabik na makita ang mga artista ng ABS-CBN thru our programs,” suma p ni Toni.

Lisod tumpagon

Nipadangat og mensahe si Angel Locsin sa bashers sa mga artista sa ABS-CBN. Suma pa sa aktres nga dili gyud siya matandog niini. “Sa mga  accounts na hinaharass kami para manahimik, pasensya na po kayo at hindi kami magpapa-bully. You’ve created your worst nightmare :) wala kayong power sa amin," suma pa ni Angel .

Mga banggiitan

Ubay-ubay ka  celebrities nga miyembro sa Philippine Artists Managers, Inc. (PAMI) ang nag-uban sa music video nga gipahinungod sa COVID-19 frontliners. Gikanta nila ang Habang May Buhay ni Wency Cornejo. Nilugwa sa maong video sila siDonna Cruz Tom Rodriguez, Geneva Cruz, Christian Bautista, Morissette, Celeste Legaspi, Rachel Alejandro, Franco ug Ayen Laurel, Isay ug Robert Seña, Raymond Lauchengco, Jolina Magdangal, Pops Fernandez, Ogie Alcasid, Lovi Poe ug Sharon Cuneta.

Bianca wala kaantos

Wala kaagwanta si Bianca Gonzalez ug nipabuhagay kini og simple nga pulong apan dout sa bukog  alang sa netizens nga nisaway sa iyang body figure. “Not sure what is worse: being fat-shamed or being skinny-shamed. Kapag itsura mo na ang tinitira nila, maawa ka nalang sa kanila, kasi humantong na sila sa ganung kababang lebel para lang sa'yo," paghot pa sa TV host.

Heart nagbangotan na pud

Nagbangotan na usab si Heart Evangelista gumikay kay namatyan na usab siya og laing iro nga ginganlan og Casper. Kahinumdoman nga namatyan usab siya og iro sa miaging buwan. “My dearest Casper, there are no words to explain the deep loss and pain that I feel right now. You were a bundle of joy— the kindest dog I have ever met,” suma pa ni Heart.

Sanggang Dikit

Nagpanikad na si  Andrea Torres sa umaabot niya nga action series gumikan kay makauban niya ang iyang boyfriend nga si Derek Ramsay.  Nag-ulohan kini  og Sanggang Dikit. Tungod sa COVID-19 crisis, malangan  ang taping sa maong  proyekto.

Gikalingawan sa netizens

Human nangisog si Coco Martin sa iyang mga post sa Instagram batok sa haters sa ABS-CBN , gihimoan dayon og memes  sa netizens ang mga hulagway ni Coco.  Kahinumdoman nga puwerting lagota sa aktor human gipahunom sa National Telecommunications Commission ang operasyon sa ABS-CBN.

Ganahan mopakatawa

Naandan na ni Luis Manzano ang pagpo-post  og kataw-anan nga  videos sa social media. Suma pa ni Luis nga ganahan lang gyud siya nga makahatag og kalingawan aa iyang folowers. “I go all over social media, some are just sent to me or by the people in the videos. I think I am makulit but that does not necessarily equate to funny. ,” niya pa .

Nagbuwag

Puwerting goula sa fans sa Kamikazee frontman  nga si Jay Contreras ug sa asawa niini mga si  Sarah Abad  gumikan sa report nga nagbuwag na ang magtiayon. Human ni-greet si Jay kang Sarah niadtong Mother’s Day pinaagi sa Instagram , nikomento ang naulahi og,” It may not be the same between us, but ill be forever grateful for giving me 2 wonderful angels. Thank u.”