Nag-una sa iTunes

CEBU, Philippines — Nag-number one dayon sa iTunes sa miaging adlaw ang bag-ong single ni Regine Velasquez nga “Istorya” ubos sa Viva Records. Usa kini ka 2017 hit sa  Filipino pop rock band nga The Juans nga nakaangkon kaniadto  og minilyon nga streaming sa Spotify.Dakong garbo alang sa   The Juans nga dunay version niini ang banggiitang singer nga si Regine.

Luane nanganak na

Gihimugso na ni Luane Dy ang unang anak nila ni Carlo Gonzales. Usa kini ka himsog nga batang lalaki. Gipahibalo kini ni Luane pinaagi sa iyang Instagram post niadtong Sabado.

Panawagan sa fans

Human niulbo ang balita nga nagsabak si Coleen Garcia alang sa unak nila ni Billy Crawford, nipadayag ang fans sa magtiayong Sarah Geronimo ug Matteo Guidicelli nga mosunod na unta niini ang ilang idolo.

Ariana ug Justin nag-duet

Adunay kolaborasyon sila si Ariana Grande ug Justin Bieber sa awit nga “Stuck With U”.  Nagmaya og maayo ang ilang fans pagkadungog sa maong balita.

Dance video

Nagmugna og dance video si Claudine Barretto nga iyang gipahinungod sa frontiliners. Kauban niya sa maong video ang iyang mga anak nga sila si Sabina ug Quia.

Oh Mando!

Adunay gigama nga Filipino Boys Love series ang  Dreamscape Entertainment alang sa iWant.  Si Eduardo Roy Jr. ang direktor sa maong proyekto nga nag-ulohan og Oh Mando!. Nagpares sa maong digital series sila si Alex Diaz ug Kokoy de Santos.

Engaged na?

Niulbo karon ang hungihong nga matud pa nagplano na nga magpakasal sila si Karla Estrada ug ang iyang boyfriend nga si Jam Ignacio. Kini human ni-post si Karla sa Instagram og hulagway sa duha ka singsing ug duna kini caption nga “Soon.”

Naka-P6M

Malipayon si Bea Alonzo sa tanang nisuporta sa iyang panawagan nga tabangan ang mga naapektohan sa health crisis. Nihatag usab siya sa mga panginahanglanon sa frontliners. Nakahipos si Bea og P6 million nga donasyon.

Wala’y trabaho

Taod-taod na nga wala ‘y  panginabuhian ang komedyanteng aktres nga si Kitkat. Nasayran nga gawas sa pag-arte,  usab siya ka performer sa mga comedy bar ug apektado ang iyang trabaho tungod sa COVID-19 pandemic. 

Natanggong sa Palawan

Naatlan nga tua sa Palawan si Maja Salvador ug ang iyang uyab nga si Tambo Nuñez sa dihang gipatuman ang enhanced community quarantine. Sa pag-istar nila sa maong dapit, naanad na si Maja nga sayo matulog. 

Ex- American Idol finalist makatrabaho ni Marlo

Maka- duet ni  Marlo Mortel sa bag-o niya nga awit mao ang kanhi American Idol finalist  nga si Evelyn Cormier.

Si Marlo mismo ang nag-compose niini nga nagtangag sa titulo nga Bones.

Nagkaila ang duha tungod sa Instagram.

“Naging friends kami through Instagram, cause I always post her performances sa stories ko dahil fan ako ng voice niya,” saysay pa ni Marlo ngadto sa PUSH.

Kyline nagpa-dance challenge

Gilusad  ni Kyline Alcantara dili pa lang dugay  ang  iyang bag-o nga dance challenge sa TikTok  pinaagi sa iyang  record label nga GMA Music. Gitawag kini  og #123DanceChallenge alang sa iyang  latest single nga “Isa, Dalawa, Tatlo.”

“#123DanceChallenge is now on and may pa-contest pa kami. Kaya kung bet mo ang dance move ng latest single ko at isa ka ding certified TikToker e sali ka na!!! I challenge you my Sunflowers,” suma pa sa singer.

Dili mawad-an og paglaom

Mopadangat si  Yeng Constantino sa iyang pag-unong sa katawhan  pinaagi sa awit  niya nga “Dasal” .

Tumong usab sa maong awit mao ang paghinumdom sa mga tawo  nga naa ra gyud Ginoo sa atong kiliran ilabi na karon  nga dunay pagsulay nga atong nasugatan.

“May mga tanong tayo na minsan mahirap talagang masagot. Pero maniwala ka na sa kabila ng pakiramdam mong wala ka nang makakapitan nandun Siya sa tabi mo at niyayakap ka,” suma pa sa IG post ni  Yeng.

Ang orihinal nga bersyon sa  “Dasal” kay nalakip  sa album ni Yeng nga “Synesthesia” nga ubos sa Star Music.

Gi-release na usab ang  music video sa  “Dasal”.

Ellen milimpyo sa pangalan ni John Lloyd

Giklaro ni  Ellen Adarna nga dili si John Lloyd Cruz  ang iyang gipasabot sa iyang Instagram stories kun diin iyang nahisgotan nga duna siya’y uyab kaniadto nga iyang nasakpan nga dunay laing babaye.

Ang usa niya ka follower, nangutana kang Ellen og,” Si John Lloyd tong nang cheat? .”

Nitubag dayon si Ellen og, "Just to clear everything. Nope. Dili cya. Dili cya ang ni ghost and dili cya ang ni cheat. Kuyaw naman kaayos remix and feelings ning mga tao kung unsa unsa na lang mga pangstorya. Leave him alone kay dili dyd cya.”