Tinagoang talento ni Yassi

CEBU, Philippines — Adunay tinagoang talento  sa pagkanta si Yassi Pressman ug kini iyang gipamatod-an sa pagkanta niya og  “Kaya Natin Ito" nga iyang gipahinungod sa frontliners.

Nailhan si Yassi sa kadaghanan isip maayo mosayaw busa nasurpresa og maayo ang iyang fans sa iyang pagkanta.

Gi-upload ni Yassi sa iyang Facebook page ang music video sa maong awit.

“Alam po natin na napakahirap nitong pinagdadaanan nating lahat. Pero kailangan po nating makahanap ng lakas ng loob at palakasin din po natin 'yung loob ng mga taong tumutulong. Everyone is helping right now and I think 'yun ang pinakaimportante na magawa rin po ng bawat isa," suma pa sa aktres sa interview niini sa radio station sa ABS-CBN didto sa kaulohan nga DZMM.

Ang maong awit gi-compose ni Eich Abando ug gi-produce ni Ang Probinsyano party list Representative Ronnie Ong.

Matud pa ni Yassi nga panahon karon sa pagtinabangay .

“Kung meron mang mga extra na pwedeng ibigay sa mga panahon na ito, ibigay po natin sa mga nangangailangan. Sana sama-sama po tayo, kaya natin ito,”  dugang pa sa aktres.

Nag-trending og maayo sa social media ang kilig scenes sa Boys Love series nga 2gether: The Series. Usa kini ka Thai series nga nikisaw og maayo karong panahona sa nagkalain-laing dapit sa kalibotan ug usa na niini ang Pilipinas.

Nataypan kini sa viewers  gumikan sa kaguwapo sa mga bida niini nga nagtangag sa karakter nila ni Sarawat Guntithanon ug Tine Teepakorn .

Nidala sa karakter ni Tine mao si Metawin Opas-iamkajorn, samtang si Sarawat, gidala ni Vachirawit Chiva-aree.  Ang screenshots sa kilig scenes niini gipang-share sa ilang suking viewers sa social media.

Kilig scenes gikagobtan

Nag-trending og maayo sa social media ang kilig scenes sa Boys Love series nga 2gether: The Series. Usa kini ka Thai series nga nikisaw og maayo karong panahona sa nagkalain-laing dapit sa kalibotan ug usa na niini ang Pilipinas.

Nataypan kini sa viewers  gumikan sa kaguwapo sa mga bida niini nga nagtangag sa karakter nila ni Sarawat Guntithanon ug Tine Teepakorn .

Nidala sa karakter ni Tine mao si Metawin Opas-iamkajorn, samtang si Sarawat, gidala ni Vachirawit Chiva-aree.  Ang screenshots sa kilig scenes niini gipang-share sa ilang suking viewers sa social media.

Ka -lookalike ni Anne

Nabatyagan sa netizens nga susama og hitsura ang aktres nga si Anne Curtis ug ang American media personality nga si  Kylie Jenner . Gi-retweet ni Anne  ang mga hulagway ni Kylie kun diin gi-tag siya niini sa iyang fans.

“Don’t know if it’s just me but Kylie's looking like @annecurtismith now,” komento pa sa fan ni Anne.

Suma pa ni Anne nga duna’y usa ka hulagway  ni Kylie nga  susama gyud niya og hitsura.

“Dami nag-message and tag sa akin. Can see a bit of myself sa second pic,” ni Anne pa.

Ang maong hulagway nagikan sa screenshot sa makeup tutorial ni Kylie sa Instagram.

Anak ni Divine gibunyagan online

Nabunyagan na gyud pinaagi sa video conference  ang pito ka buwan nga anak ni Divine Lee.

Si Father Tito Caluag maoy nipasiugda sa maong seremonya.

Sa report sa PEP.ph , ang  pagpadangat og special prayer maoy unang ideya ni Divine  ug sa iyang bana nga si Blake Go  apan nahuna-hunaan  nila ni Father Caluag nga bunyagan nalang gyud kini online pinaagi sa application nga Zoom.

Nisalmot pud sa maong online ceremony ang mga ninong ug ninang sa bata.

Taod-taod na nga gipangkanselar ang pipila ka  seremonya sulod sa simbahan sukad gipatuman ang enhanced community quarantine.

"As a mom, having her blessed is one less worry for me.Thanks to all our friends and family who 'joined', sa dami namin two pages yung zoom. Hahaha! Will give her a proper baptism when we can. Love you Blankita!",” suma pa ni Divine.

Lea mobalik sa iyang pagka-Princess Jasmine

Subling mohatag og kinabuhi sa tingog sa usa sa mga Disney Princess nga si Jasmine ang Pinay international singer nga si Lea Salonga.

Mahitabo kini sa laing storytelling project sa Disney.

Maghisgot kini sa dugang  hugna sa istorya sa kinabuhi ni  Jasmine  nga nagtangag sa titulo nga “A Proper Princess”  nga nagikan sa  libro nga “5 Minute Princess Stories”.

“So, I did this thing! Walt Disney asked if I could read a story to children from my home. And I did! Enjoy,” suma pa ni Lea.

Kahinumdoman nga si Lea maoy nagdala sa singing voice  ni Princess Jasmine sa 1992 Disney animated film nga Aladdin. 

IU ug Suga mag-uban

Gikatakdang i-release karong May 6  ang  bag-ong awit sa Korean singer nga si IU  ug ka-kolaborasyon niya niini ang miyembro sa BTS nga si Suga.

Ang maong report nikisaw og maayo sa online world ug nag-trending ang hashtag nga #IUxSuga .

Nagmaya og maayo ang Pinoy fans nila ni IU ug Suga sa dihang niulbo ang maong taho.   Si IU o Lee Ji-eun sa tinoud nga kinabuhi, maoy nagpasikat  sa awit nga “Good Day” nga ginganlan sa Billboard isip greatest K-pop song sa  2010s.

Mga rayna nga matinabangon

Gipamatud-an sa pipila ka mga   beauty  queen nga duna  gyud sila’y malumong nga  kasingkasing.

Nitabang gyud sila sa mga relief effort sa kampanya batok COVID-19.

Sila si  Miss Universe 2015 Pia Wurtzbach  ug Miss Universe 2018 Catriona Gray nidonar og bugas alang  sa naapketohan nga mamumuo ug ka-partner nila ang  Young Focus Philippines .

Si Miss Universe 2011 third runner-up Shamcey Supsup  nangita usab og pundo aron ipamalit og personal protective equipment alang sa healthcare workers.

Samtang nag-apod apod og pagkaon alang sa frontliners si Miss World 2013 Megan Young. Gilusad usab dili pa lang dugay ni 2018 Miss Globe Philippines Michele Gumabao ang iyang “Your 200 pesos" donation drive  aron mahatagan og relief packs ang frontliners ug ang mga kabos nga pamilya.

Sila si Bb. Pilipinas second runner-up Samantha Bernardo ug Miss Eco International 2019 first runner-up Maureen Montagne  nisuporta usab also sa kampanya sa pagpakaon sa nga apektadong pamilya didto Palawan ug Siargao.

Bea ug Dominic, nagkasinabtanay na?

Nabanhaw na pud ang intriga nga nag-link sa pangalan nila ni Bea Alonzo ug Dominic Roque.  Nitumaw ang tsika nga duna na’y “something” ang duha.

Sa latest post ni Bea sa Instagram nga naghisgot og “bahay tips”, nikomento si Dominic niini og heart emoji.

Gikatahong si  Dominic usab ang kauban sa  relief efforts ni Bea  sa pag-apod apod og  face shields alang sa  frontliners.

Nasayran nga sa wala pa ang enhanced community quarantine, kanunay na nga mag-uban sila si Bea ug Dominic sa pagbakasyon kauban ang ilang mga higala.

Nabahin ang obserbasyon sa ilang  fans, dunay  niingon nga soud lang nga  maghigala ang duha, samtang ang uban nilenggua nga wala’y dautan kun magkadayon sila si Bea ug Dominic sanglit susama man sila nga single.

Kahinumdoman nga naa usab ang presensya ni Dominic sa mga special gathering  sa pamilya ni Bea. Sa nangaging interview, gibutyag ni Bea  nga higala lang niya si Dominic apan karon nagduda na ilang fans nga posibleng na-develop na kini sa usa'g-usa.