GMA Regional TV Live!

CEBU, Philippines — Mosikad na sugod karong adlawa , alas otso sa buntag ang GMA Regional TV Live! nga nagtangag og  special features.

Molugwa kini panahon sa weekdays , pinaagi sa  GMA Regional TV’s Central ug Eastern Visayas channels. 

Magsilbing hosts niini mao ang mga personalidad sa GMA Regional TV Cebu. Sa  pilot season, si Balitang Bisdak Senior Correspondent Nikko Sereno maoy magsilbing host sa GMA Regional TV Live! nga manukad mismo sa studio sa GMA Cebu.

Napamatud-an na ang katakos  ni Nikko sa paghatud og balita sulod na sa taas nga katuigan.

Sa nagpadayon nga enhanced community quarantine uban sa istriktong pag-implementar social distancing,  adunay mga  interview niini si Nikko, gamit ang video conference applications.

Sa laing bahin , ang laing personalidad sa GMA-Cebu nga si Cecille Quibod-Castro maoy modumala sa "BizTalk."

Hinabion ni Cecille ang pipila ka celebrities ug  personalities nga maghisgot sa ilang mga adbokasiya karong panahona.

Pipila sa  i-feature   sa maong segment mao ang Kapuso Primetime King Dingdong Dantes, Asia’s Multimedia Star Alden Richards, Kapuso Primetime Princess Barbie Forteza,  Bianca Umali ug Sanya Lopez.

Idalit usab sa GMA Regional TV Live! ang “Panahon Karon’”  aron masayod ang publiko sa latest  weather forecast.

Ang maong programa , gipaluyohan sa grupo nga mao usab ang naa sa likod sa kalamposan sa  Balitang Bisdak, Balitang Amianan, One Western Visayas, ug One Mindanao.

“Amid the health crisis we are facing today, we remain optimistic and continue to instill hope and inspiration among our viewers,” suma pa  ni GMA Regional TV Vice President and Head Oliver Amoroso.

Dugang pa ni Amoroso nga mao kini dugang luna sa pag-alagad sa publiko pinaagi sa paghatod sa mga  impormasyon .

“While GMA Regional TV Live! has been in the pipelines as early as last year, we see this launch at this point as another opportunity to further serve our Kapuso in the regions by giving them more reasons to wake up each morning and start fresh. With years of delivering local news that matters, we are taking advantage of technology to bring more Serbisyong Totoo to our viewers in Central and Eastern Visayas. We invite all our Kapusong Bisdak to join us in our latest endeavor. Makakaasa po kayo na ang GMA Network at GMA Regional TV ay patuloy ang pagiging buong puso para sa Pilipino sa bawat sulok ng Pilipinas,” panapos pa niya.

I-ere kini sa GMA Network’s regional channels  nga GMA TV 7 Cebu, GMA TV 10 Tacloban, GMA TV 11 Bohol, ug GMA TV 12 Ormoc.

Latest single ni Kyline, gihangop dayon

Ni-click sa Tiktok ug Instagram ang latest single ni Kyline Alcantara nga “Isa, Dalawa, Tatlo” nga gipalanog ngadto sa publiko niadtong March 31.

Niuso karon sa social media  ang “Isa, Dalawa, Tatlo Dance Challenge” ug pipila sa nisuway niini mao ang pipila ka Kapuso artists nga sila si  Althea Ablan, Sofia Pablo, Rodjun Cruz, Cassy Legaspi, Joel Palencia, Taki Saito, Rere Madrid, ug Kate Valdez.

Aminado si  Kyline nga swag gyud nga pang-TikTok ang bag-o niya nga awit.

“Kaya ko po tinanggap ang 'Isa, Dalawa, Tatlo,' dahil uso po yung TikTok.Andun yung tunog niya, para siyang TikTok, e," saysay pa niya ngadto sa GMA News.

Mapasalamaton siya sa init nga suporta nga nadawat sa iyang latest single.

"Ang sarap sa pakiramdam na maraming nakaka-appreciate ng sayaw at maraming nakaka-gets sa pagsayaw ko," dugang pa ni Kyline.

Mensahe alang sa mga Sugbuanon

Nipadangat  og mensahe  alang sa mga Sugbuanon ang magtiayong Matteo Guidicelli ug Sarah Geronimo, kalabot  kini sa COVID-19 cases sa Cebu.

Gi-upload sa Sugbuanong aktor ang video message nila ni Sarah pinaagi sa Instagram.

“Nakit-an namo ang inyong COVID-19 number nagsaka na so Sarah and I are praying for each and everyone of you to please stay safe and please maminaw mo tanan sa gobyerno. Kung lockdown, lockdown, kung diha lang mo sa balay, diha lang mo sa balay,"sigon pa ni Matteo.

Giawhag sab ni Matteo ang katawhan  nga maghugas kanunay sa kamot ug tumanon gyud ang social distancing.

"Palihog lang please keep safe, wash your hands all the time. Please practice social distancing para dili na musaka ang number of cases diha sa Cebu, palihog lang,"awhag pa niini.

Nihatag usab og mensahe si Sarah ngadto sa mga Sugbuanon gamit ang pinulongang Binisaya.

"Ayo-ayo mo tanan and stay safe,"asoy pa sa Popstar Royalty.

Sa pagka-karon, aduna nay kapin aa 300,000 nga views ang maong video.