Nanghatag og pagkaon

CEBU, Philippines — Nangunay og andam ang Kapamilya star Angelica Panganiban og ready-to-eat meals o niluto nang daan nga mga pagkaon alang ngadto sa frontliners sa COVID-19 pandemic ug ngadto sa mga biktima sa sunog sa Caloocan City. Gigamit niyang kusina ang gipanag-iya niining bar sa Quezon City. Nagpasalamat sab ang aktres  ngadto sa celebrities nga nitabang pagpamutos sa mga pagkaon.

Trending ang pinaakan

Nag-trending sa Instagram ang anak ni Dra Vicki Belo ug Dr. Hayden Kho Jr.  nga si Scarlet Snow Belo human kini napaakan og lamok.

Gipost ni Dra. Belo ang hulagway ni Scarlet diin makita nga aduna kini mga pinaakan sa  lamok sa aping. Daghan sa followers ni Scarlet naguol sa iyang sitwasyon.

Trip sa Japan

Gipaambit sa Kapuso actress Gabbi Garcia ang video nila sa boyfriend nga si Khalil Ramos nga kuha atol sa pagbakasyon  nila didto sa Japan. Gi-upload  kini ni Gabbi sa iyang YouTube channel. Kanunay nga daygon sa netizens ang ilang relasyon gumikan kay matud bagay gyud kaayo ang duha.

1M na!

Malipayong gipahibalo sa Kapuso hunk nga si Jak Roberto nga niabot na og one milliion  ang iyang subscribers sa YouTube, siyam ka buwan human niya kini gihimo.“Happy 1M Subscribers guys! Thank you for your continued support! Stay safe everyone!”post pa sa aktor.

Throwback photo

Nag-post ang aktres nga si Janice de Belen og karaang hulagway nila sa igsoon nga si Gelli diin makita nga bata pa kaayo sila.

Gi-post kini ni Janice isip pagsaulog sa National Siblings Day. “This is my fave pic of us together! I miss you my sibling!,” caption pa sa aktres.

Sayaw na lang

Giawhag sa aktres nga si Gladys Reyes ang mga inahan nga dili hilig mag-workout nga pwede ra sila mag-ehersisyo pinaagi sa pagsayaw bisan dili pa sila dancer.

“Pang-encourage ko na rin po sa mga moms like me na di mahilig mag-workout. B

aka itong dance exercise, para na rin sa kanila at pampalakas na rin ng lungs, di ba? Mag-dance exercise kahit di ka dancer," sigon pa ni Gladys.

Pawala sa anxiety

Gipaambit sa fashionistang aktres nga si Heart Evangelista nga dako og gikatabang kaniya ang pag- painting aron  mawala ang iyang anxiety.

Sa bag-ong Instagram post niini, gipakita niini ang iyang hulagway nga nagpakita sa iyang taleto sa  painting.“'Oh the canvas can do miracles, just you wait and see. It never fails to calm my anxieties and inspire me to keep creating,” post pa sa Kapuso star.

Comeback project

Gikatakdang mobida sa bag-ong Korean fantasy drama ang aktor nga si Kim Bum kauban silang Lee Dong Wook ug Jo Bo Ah.Nag-ulohan  kini og 'The Tale of Gumiho' kun diin pagadalhon sa Korean star ang karakter ni Yi Rang o “the most dangerous gumiho." 

Mao kini ang comeback project ni Kim Bum human sa upat ka tuig nga wala nidawat og proyekto.

Pamalandong

Sa  latest vlog ni Alex Gonzaga niadtong Semana Santa, nipadangat siya sa iyang pamalandong .”There is uncertainty in everyone of us so maybe this is the right time that we'll find peace and rest through God.

Right now sa lahat po ng ating pinagdadaanan it's time that we talk to Jesus, talk to Him and whatever you are feeling right now. Accept Jesus Christ as your savior," suma pa niya.

Laban gihapon

Gipamatud-an sa Miss Universe 1969 Gloria Diaz nga bisan 69 anyos na siya,  maantigo gihapon  siya sa mga challenging nga exercise.

Gipakita niini sa Instagram ang video sa kaugalingon samtang nag-work out. Nagsaulog sa iyang 69th birthday ang beauty queen niadtong Abril 4.  "This is for the abs. Mahirap ha," suma pa ni Gloria.