Nakuyawan

CEBU, Philippines — Miangkon ang aktres nga si  Sam Pinto nga nakuyawan siya sa pag-abli og kaugalingong beach resort ug nabalaka unsay dangatan sa iyang negosyo. Nahimutang kini sa Baler, Aurora ug ginganlan kini og L'Sirene (The Siren) Boutique Resort."Yes, it's scary. But you never know until you try. You go for your dream and you make it a reality. It takes a lot of courage, determination and hard work,"niya pa.

Gisunod sa uyab

Gisunod ni ABS-CBN actor Khalil Ramos ang usa sa eksena sa iyang girlfriend nga si Gabbi Garcia sa GMA-7 telefantasya nga Encantadia. Sa maong eksena, nalipay ang karakter ni Gabbi nga si Alena kay wala siya napili nga bag-ong rayna sa Lireo. Ang maong video ni Khalil gi-post ni Gabbi sa iyang Twitter account.

Mapasalamaton  sa donors

Nagpasalamat ang aktor ug karon Congressman sa Quezon City nga si  Alfred Vargas ngadto sa kauban sa showbiz nga nitabang sa iyang gibuhat nga feeding program. Pipila sa gipasalamatan niini mao silang Dingdong Dantes, Ai-Ai delas Alas, Rocco Nacino, Marvin Agustin, Diana Zubiri, Glaiza de Castro, Dimples Romana, ug uban pa.

Pasok  sa Top 20

Gibayaw sa kalipay ang Filipino-American singer nga si Francisco Martin human nasulod sa  Top 20 sa American Idol Season 18. Kahinumdoman nga nakadawat ang singer  og standing ovation gikan sa judges nga sila si   Katy Perry, Luke Bryan, ug Lionel Richie sa iyang latest performance  sa kanta ni Harry Styles nga "Falling."  "Dazed and beyond grateful. Thank you American Idol for giving this anxious boy a chance,"post pa niini sa Instagram.

Nag-sorry

Nangayo og  pasaylo ang K-Pop idol nga si Kim Jae-joong human nangilad nga daw nagpositibo siya sa COVID-19 kini atol sa April Fool’s Day.“For causing distress, I sincerely apologize to the government agencies and medical professionals who are working hard because of COVID-19 and to the many people who are following instructions,"pamahayag pa niini.

“Before and after”

Gipaambit ni  Andi Eigenmann sa Instagram ang “before and after “ photo kun diin makita nga nagseryoso gyud siya sa iyang pagpagamay. Gipakita niini ang usa ka hulagway nga kuha niadtong Nobyimbre 14, 2019 ug ang usa ka hulagway nga kuha niadtong Marso 28, 2020. Makita nga nigamay na ang tiyan niini human nidako sa pagsabak sa ikaduhang anak nga si Lilo.

Gimingaw sa anak

Gimingaw  gyud ang  beteranong aktor nga si Tirso Cruz III sa  nipanaw nga anak nga si  TJ  atol sa iyang birthday. Mao matod pa kini ang  ikaduhang higayon nga wala iyang anak atol sa kasaulogan sa iyang birthday. "Sadly, it is my second birthday that I will be celebrating without you.Though I know you are happy for me from where you are now,"post pa niini.

Tabangan ang senior citizens

Giawhag ni Nicole Andersson ang iyang followers nga mohatag og tabang ngadto sa  senior citizens nga naglisod karon tungod sa COVID-19 crisis."When you go to the grocery, buy a little extra for your older neighbor who might be afraid to go outside,"awhag pa niini.

Hadlok ma-bash

Gipaambit ni Kris Aquino nga wala siya niuli sa ilaha ug nagpabilin nalang una sa Puerto Galera uban sa iyang mga anak nga silang Josh ug Bimby kay mahadlok matod pa siya ma-bash ug mapasanginlan nga nagpa-special treatment. "Let's be REAL- kung makauwi kami lahat ng bashing aabutin namin, kasi maa-accuse ng special treatment,"tubag pa niini sa nangutanang netizen.

Gikagobtan ang hulagway

Nikatap sa social media ang usa ka hulagway sa Korean superstar  nga si Lee Min Ho nga kuha atol sa shooting niini sa upcoming korean series nga 'The King: Eternal Monarch'. Sa maong hulagway, makita ang aktor nga niapil og boat race didto sa Hanam, Gyeonggi Province. Ipasalida ang maong K-Drama didto sa South Korea sugod karong Abril 17.