Nagpungasi nga gugma

CEBU, Philippines — Dili gyud malilong  ang kawagas sa relasyon nila ni Elmo Magalona ug sa iyang non-showbiz girlfriend nga si  Ry. Gisaulog nila niadtong Martes ang  unang anibersaryo sa ilang relasyon. Gi-post ni Elmo  sa Instagram ang sweet photos nila ni Ry. Sa wala pa si Ry sa kinabuhi ni  Elmo, si Janella Salvador  ang nauyab sa aktor kaniadto.   

Christopher, nakagawas na sa tambalanan

Nakagawas  na sa tambalanan   ang beteranong  aktor nga si  Christopher de Leon. Kahinumdoman  nga nagpositibo   sa  coronavirus (COVID-19)  ang aktor sa miaging semana.

Gikatahong niarang-arang na ang kondisyon karon  ni Christopher apan ipaubos gihapon kini sa 14 ka adlaw nga self-quarantine.

Samtang  negatibo sa COVID-19 ang asawa ni Christopher nga si Sandy Andolong.  

Kaanyag ni  Nadine,  milutaw og samot

Nilutaw og samot ang kaanyag ni Nadine Lustre sa bag-ong hulagway nga iyang gi-post sa Instagram. Gidayeg sa pipila ka celebrities ang kaanyag sa aktres. Kini sama nila ni Lovi Poe, Angie Mead King, ug ang igsoun sa iyang kanhi boyfriend nga si James Reid nga si Lauren Reid. Kuha ang maong selfie samtang naka-self-quarantine ang aktres sa nagpadayon nga lockdown sa Luzon tungod sa coronavirus (COVID-19) outbreak. Subling nikisaw ang pangalan ni Nadine  human gi-ere og balik ang teleserye nila ni James nga On The Wings Of Love. 

Tricycle drivers gitabangan ni Kris

Nagpadala og  donasyon ang aktres na si Kris Aquino alang sa  tricycle drivers sa usa ka dapit sa Puerto Galera kung diin kasamtangang siya nga nag-istar.

Gipadangat  ni Kris ag  25 ka  sako nga bugas sa  local government unit sa Puerto Galera aron ipang-apod apod sa tricycle drivers nga naapektohan sa pagsuspenso sa  public transporation gumikan sa  enhanced community quarantine.

  "I am posting this hindi para magpa bida. Kasi konti lang ito, dapat 100 sacks of rice pero malayo ako and hindi maka withdraw ng mas malaki because more than 1 hour away yung mga bangko where I have accounts kaya umaasa muna sa ATM," suma pa sa post ni Kris.

Giawhag usab niya ang katawhan  nga dunay igong pundo nga motabang usab sa ubang  mga tawo nga naapektohan sa giatubang nga krisis sa nasud.

"Magdamayan tayo ngayon dahil LABAN nating lahat ang COVID-19. Hindi tama na ang mga kapwa Pinoy ay magutom sa panahon ng lockdown dahil 'yung daily wage earners hindi makapagtrabaho," suma pa niya.

J.Lo nahimout  sa Pinay dancer

Nakakuha og atensyon  sa International popstar  nga si Jennifer Lopez ang  Tiktok video  sa Pinay dancer nga si  Marianne Tubil.

Sa maong video, gisayaw  ni Marianne ang 30 ka segundos nga cover sa performance ni J.Lo sa  Super Bowl halftime show karong tuiga.

Gamit ang hashtag nga  #JLoTikTokChallenge o  #JLoSuperBowlChallenge, nikisaw og samot ang maong video.

Nakauyon og maayo  si  Jennifer sa maong video  busa iyaha kini nga gi-share ug duna kini caption nga "loveeeeee! “. 

TikTok mopadala og hinabang

Gipahibalo  sa  mobile application nga  TikTok nga modonaw sila og  $10 million alang sa kampanya batok sa   coronavirus disease (COVID-19) .

Ang presidente sa maong kompanya  nga si  Alex Zhu  nipadayag nga ilahang ipaagi ang ilang donasyon ngadto  sa World Health Organization's (WHO) Solidarity Response Fund.

"This fund helps the WHO carry out vitally important work, including sending essential supplies to front line health care workers, ensuring communities have access to the latest science-based information, and accelerating efforts to discover life-saving treatments or vaccines. Alongside many great companies and individuals, we're passionate about doing our small part to contribute to this important cause and the critical work the fund enables," suma pa ni  Zhu.

Kahinumdoman nga nahulma ang TikTok, pinaagi sa  Chinese company nga  ByteDance niadtong  September 2017  ug ni-click dayon kini ilabi na sa mga kabatan-onan.

Catriona, nagpakabana sa taga Tondo 

Nitabang si  Catriona Gray sa pagpangita og pundo  alang sa mga naapektohang  pamilya  didto  sa  Tondo, Manila. Nasayran nga dunay’y uban kanila ang nawad-an ang panginabuhian human niulbo sa nasud  ang hulga sa  coronavirus disease 2019 (COVID-19).

 “For a lot of these families, they're heavily dependent on their work. And with their work being cut off, it means no pay, which consequently means no food for their families,” nagkanayon si  Catriona.

Target niya  nga manghatag og bugas  matag pamiya sa maong dapit.   “I know a lot of us are operating on a very small means in this point in time due to the crisis that's gripping our nation but I would like to appeal to those of you who may have a little bit of extra to share,” dugang pa sa beauty queen.

Vance milusad sa unang single

Malipayong gipahibalo sa aktor nga si  Vance Larena  nga gawas sa pag-arte , iyaha na usab sudlan ang pagkanta.

Gi-release na dili pa lang dugay  ang iyang first single nga nag-ulohan og  “Tama”.

Ubos kini sa  Star Pop PH label sa  Star Music ug available na sa  Spotify ug sa ubang digital platforms.

“Munting ambag ko po ito sa gitna pinagdadaanan natin ngayon. Hope you’d love it,” saysay pa niya nga namantala sa PUSH. Wala damha  ni Vance nga  maka-release siya og kanta,.

“My first ever single is finally here! Pangarap lang ito noon, nandito na ngayon,” niya pa.

Taod-taod na nga gipangandoy  ni Vance nga maka-record og awit.

 “Opo, pangarap ko po ito. Katulad po kasi ng ibang form ng art, ang musika at kanta ay naging malaking bahagi ng buhay ko. Ngayon po ang kanta mo naman ay maaaring maging parte ng buhay ng iba,” suma pa ni Vance.

Ang   singer-composer nga si  Ogie Alcasid maoy usa sa mga giidolo ni Vance.