Prayoridad ang pagtabang

CEBU, Philippines — Gisaulog sa aktres nga si Ria Atayde ang iyang 28th birthday pinaagi sa paghatag og hinabang ngadto sa mga apektado sa COViD-19. Mas pilion matod pa niyang igasto iyang kwarta sa mga nanginahanglan.“ I acknowledge my privilege — I have a roof over my head, food on the table, and even the opportunity to find a way to celebrate today. But at the same time, I acknowledge that my privilege puts me in a position where I can help others,” post pa niini.

Nalipay sa pagbalik

Gikalipay sa Kapuso actress Aiko Melendez ang pagpasalida og balik sa primetime bida sa sikat nga teleserye sa ABS-CBN nga Wildflower. Gidala ni Aiko ang karakter ni Amelia, kinsa kontrabida sa kinabuhi ni Lily Cruz nga gidala ni Maja Salvador.“Masaya ako na bumalik ang Wildflower. Isa yan sa makakaaliw sa mga bahay-bahay ng mga tao habang lahat tayo ay naka-quarantine,"asoy pa niini.

Martin ug Pops nag-duet

Nagkahiusa ang ex-couple nga silang Kapamilya singer Martin Nievera ug Kapuso star Pops Fernandez sa pagpahigayon og Facebook live concert gamit ang ilang nagkadaiyang accounts. Nag-duet ang duha sa kantang "Always" samtang naka-split ang screen.Gibuhat nila kini aron pag-aghat sa ilang fans nga motabang sa mga naapektuhan sa COVID-19.

Naglinya sa Netflix

Walo ka mga bag-ong Korean shows ang gikatakdang ipasalida sa Netflix karong buwana. Mao kini ang Rugal, Time To Hunt Extracurricular, It’s Okay Not To Be Okay, Together, The School Nurse Files , Sweet Home, ug ang giatngan nga comeback project sa sikat nga Korean star Lee Min-ho nga nag-ulohan og The King: Eternal Monarch.

Libreng klase

Magtudlo og libreng Korean language sa online ang K-Pop group nga BTS ngadto sa ilang fans. Gipasiugdahan kini sa Big Hit Entertainment. “We hope that through learning Korean, global fans will be able to deeply empathize with the music of artists and enjoy a wide range of contents," sigon pa sa Big Hit Entertainment.

Gipakita sa  social media

Gi-post sa Kapamilya hunk actor JC Santos sa social media sa labing unang higayon ang hulagway sa iyang anak nga si River Altheia . "#HomeQuarantine #DaddyDuties Afternoon probinsya air for my little sunshine. Be safe everybody. May this break be a good opportunity for you to take care of your family. God bless us all! “ post pa sa aktor.

Cinemalaya 2020 gipahumom

Giuswag sa Cinemalaya Foundation ug sa Cultural Center of the Philippines (CCP) ang Cinemalaya Philippine Independent Film Festival 2020 tungod sa hulga sa COVID-19 . Gikatakda kini karong Agosto 7 hangtod Agosto 16 apan gipaundang una sa organizers ang mga producers sa paghimo sa ilang mga pelikula.

Naluoy sa  maguwang

Nakahilak ang Kapuso star Alden Richards sa dihang naghisgot kini kalabot sa iyang maguwang nga si RD Faulkerson nga kasamtangang tua sa California ug nagtatrabaho isip nurse."Pinipilit ko siya na huwag nang pumasok ngayon kasi naka-lockdown sila, but sabi niya sa 'kin, parang, kawawa yung mga pasyente niya. Naiiyak tuloy ako," sigon pa ni Alden.