Ilong ni Paolo, retokado?

CEBU, Philippines — Gibitin ni Paolo Ballesteros ang usa niya ka Instagram follower kinsa nangutanan kun giparetoke ba ang iyang ilong.

Nasayran nga  sa latest photo  ni Paolo sa Instagram, nilutaw matud pa ang talinis niya nga ilong.

Wala motarong  og tubag si Paolo sa  pangutana sa iyang follower  ug igo ra siya nitubag og  “secret”.

Mariel, nanalipod kang Christopher

Gipanalipdan  ni  Mariel de leon ang amahan niya nga si  Christopher de Leon sa akusasyon nga gisupak matud pa sa aktor  ang  protocol alang sa  COVID-19 testing.

Una na nga nigawas ang taho sa miaging adlaw  nga nag-positibo sa coronavirus  si  Christopher.

Suma pa ni Mariel nga nagpa-test lang si Christopher sa dihang nagka-grabe na ang gipamati sa lawas niini ug duna na sila’y nabatyagan nga sintomas.

“My dad works a lot (events, tapings, shooting) so he’s always exposed to many people. Before he got tested, he was sick and decided to quarantine himself in the house.After it persisted, he decided to go to the doctors to take the test,” tweet pa ni Mariel.

Nag-agi matud pa ang aktor og taas nga linya  aron magpa-test.

Ang gikagul-an karon ni  Christopher mao ang iyang asawa nga si  Sandy Andolong  sanglit nag-agi kini og  kidney transplant.

Bulawanong kasing-kasing ni Heart

Gusto ni Heart Evangelista nga duna siya’y mabungahon nga gibuhat samtang naa ra siya sa iyang balay.

Nagpahatod siya og kinarton nga face masks  ug siya mismo ang nag-arrange.   Iyaha kining ipadala  sa  mga konsituwente sa iyang bana nga si Sorsogon Governor Chiz Escudero.

Gikatakda kini nga   ipang-apod apod  sa  rural health units  sa Sorsogon  ug senimana ang  pagpadala niya niini  hangtod nga mahuman ang community quarantine.