Nisuroy sa Moalboal
CEBU, Philippines — Nasigpatan ang aktor nga si John Lloyd Cruz nga nagsuroy-suroy sa usa ka resort sa Moalboal, Cebu. Nitambong kini sa birthday celebration sa aktor nga si Mon Confiado uban sa pamilya niini. Hangtod karon nag-indefinite leave pa ang aktor sa showbiz.
Kalmado lang
Gibutyag sa beteranong aktor nga si John Arcilla nga wala siya na-pressure sa pagdala isip Fr. Fernando Suarez sa pelikulang 'Suarez: The Healing Priest’.
'Hindi ako na-pressure ever, well may sinasabi sila sa akin na parang, ‘Uy kahawig mo nga si Father,’ subjectively puwede kasing makita talaga yon ng ibang tao. Inano ko na lang – I work on the essence, his essence," sigon pa niya.
Digital fundraising concert
Kapin 100 ka ABS-CBN stars ang niapil sa tulo ka oras nga digital fundraising concert sa ABS-CBN nga nag-ulohan og Pantawid ng Pag-ibig: At-Home Together Concert. Gihimo kini aron sa pagbaton og pundo nga itabang ngadto sa katawhan nga naapektuhan sa enhanced community quarantine.
Pipila sa mga Kapamilya stars nga nisalmot niini mao sila si Janella Salvador, Tony Labrusca, Maymay Entrata, ug Edward Barber.
Mansion ni Mommy D
Gipakita ni Mommy Dionisia Pacquiao ang sulod sa iyang mansion sa General Santos City pinaagi sa YouTube Channel ni Jinkee Pacquiao. Gipakita sa maong video kung unsay hitsura sulod sa iyang balay nga gitawag niya nga “forever home”.
COVID-19 wa la kapugong
Nadayon gyud ang church wedding sa kanhi Pinoy Big Brother Lucky 7 housemate nga si Jinri Park ug ang hinigugma niini nga si John didto sa Sydney, Australia bisan pa man nga ila na kining giuswag tungod sa COVID-19. "I can’t wait till the virus dies down so I can wear my wedding dress and have my dad walk down the aisle stay safe and happy everyone!"post pa ni Jinri sa Instagram.
Lab-as ang hangin
Gipaambit ni Doug Kramer sa Instagram ang mga kuha niya nga video ug mga hulgway sa Metro Manila nga "unpolluted" o wala'y polusyon human kini gipaubos sa community quarantine. Gikuhaan niya kini og hulagway gikan sa ilang mansion sa Antipolo City. Namangha siya sa kanindot sa Metro Manila ug nanghinaot siya nga ampingan sa katawhan ang kalikupan.
Simple lang
Nagsaulog sa ilang tagsa-tagsa nga adlawng natawhan sila si Tonton Gutierrez ug Christopher Roxas apan yano lang kini ug wala'y giimbitar nga bisita umikan sa community quarantine. Nagsaulog sa iyang 56th birthday si Tonton samtang nagsaulog sa iyang 41st birthday si Christopher Roxas.
Revenge body
Nag-post og throwback photos ug videos ang megastar Sharon Cuneta nga kuha niadtong 1980s diin makita nga daot pa kaayo siya. Giasoy niini nga nidaot kaayo siya niining panahona tungod sa panagbuwag nila sa kanhi bana nga si Gabby Concepcion."This was just after my marriage fell apart. Revenge body. Hahaha!"paambit pa ni Sharon sa social media.
Unom na ka buwan
Nagsabak og batang babaye ang non-showbiz wife ni Pepe Herrera nga si Sarah Mallari. Gipaambit ni Sarah sa Instagram nga unom ka buwan na siyang buntis."Fast forward to today — it’s International Women’s Day. It also marks my sixth month of pregnancy,"post pa niini.
No. 1 sa iTunes
Nag-una sa iTunes Phiilippine’s All-Genres & Pop Charts ang bag-ong gipagawas nga kanta ni Maine Mendoza nga "Parang Kailan Lang". Nakigsabot ang Eat Bulaga host sa electro-pop-rock band nga Gracenote aron maporma ang maong kanta. Nagpasalamat si Maine sa wala'y puas nga pagsuporta sa iyang fans. (BANATNEWS)
- Latest
