Pawala sa kalaay

CEBU, Philippines — Gipaagi nalang og TikTok ni Heart Evangelista ang iyang gibati sa long distance relationship nga sitwasyon nila karon sa banang si Chiz Escudero. Temporaryo una matod pa nga nagbuwag og puyo ang magtiayon aron malikayan ang pagkatap sa COVID-19 ilabi na nga busy karon si Chiz sa kampanya batok sa virus sa iyang gidumala nga probinsya sa Sorsogon. Sa kasamtangan, niabot na og 53,000 likes ang maong video ni Heart.

Lea nabalaka

Nipabuhagay  sa iyang kabalaka ang Broadway Diva nga si Lea Salonga ngadto sa mga Pinoy  nga daily wage earners nga naapektohan og maayo sa community quarantine . "How do we recommend staying at home to a worker surviving on a daily wage?To someone that can’t see their families because of the lockdown?"What do we do? Point fingers?,"pahungaw pa ni Lea.

Hangtod Season 10

Naghinaot ang creator sa hit Netflix zombie series ‘Kingdom’ nga si Kim Eun-hee nga unta padayong mosuporta ang fans sa iyang obra hangtod nga moabot sila og Season 10. Kahinumduman nga nag-trending ang maong online series ilabi na dinhi sa Pilipinas . “I personally hope that the series continues all the way to Season 10,” sigon pa niini.

Gikilig kang  Coco

Naratol ug napawong matod pa ang sexy star nga si Ivana Alawi sa dihang naka-eksena niya ang crush nga Primetime King nga si Coco Martin sa seryeng Ang Probinsyano."Nawala ako, pero kinaya ko naman."sigon pa sa sexy actress.

Mapahimuslanon

Nipadayag sa iyang kasagmuyo ang Kapamilya star Angel Locsin ngadto sa mga tawo nga bintahuso kinsa namaligya sa aktres og overpriced nga surgical mask sa presyong 1,500 PHP. Namalit matod pa siya og face mask aron  ipanghatag ngadto sa nanginhanglan nunot sa hulga sa COVID-2019.“Sa nagbebenta sa akin ng mask na nakalaan para sa mga frontliners natin for P1,500, MAKONSENSIYA HO KAYO,” tweet pa ni Angel.

Friend lang

Nihatag og katin-awan ang Kapamilya singer nga si Angeline Quinto kalabot sa nanggawas nga chika karon nga daw aduna siya'y gikarelasyon nga lalaki nga ginganlan og Chris Marcos Chan. “Actually, matagal ko nang kilala si Chris, pero hindi ko po siya boyfriend. Sweet lang talaga yung tao at naa-appreciate ko naman po yun, at kilala din naman po siya ni Mama Bob” pasabot pa ni Angeline

Giuswag  ang concert

Gikanselar sa Japanese rock band nga ONE OK ROCK ang ilang Asia tour tungod sa (COVID-19) pandemic.Gipahibalo kini sa banda niadtong Martes pinaagi sa Instagram."We regretfully announce the postponement of the Tour. We sincerely apologize to all fans looking forward to the Tour however as we consider the safety of our fans and all related parties involved to be of the utmost importance,"sigon pa statement niini.

Midonar og $1 million

Gipahibalo sa Hollywood couple Ryan Reynolds ug Blake Lively niadtong Martes nga modonar sila og $1 million para ipamalit og pagkaon ngadto sa mga kabos  nga naapektuhan sa COVID-19. Gipaambit sa duha sa Instagram nga ilang ihatag ang kwarta sa Feeding America ug Food Banks Canada nga mga charity organizations.

Nag-reunion

Nakit-ang magkauban og balik ang ‘High School Musical’ stars Vanessa Anne Hudgens ug Ashley Tisdale pinaagi sa video-sharing app TikTok . Nasayran nga taod-taod na sila nga wala nagkauban. Sa Instagram, gisupresa sa Fil-Am actress nga si Vanessa ang iyang fans pinaagi saTikTok video nila ni Ashley diin nikanta siya og “We’re All In This Together” samtang nisayaw si Ashley sa maong tukar. Niabot na og 5M views ang maong video.

#LIGTASPILIPINAS

Nibuhat og nagkadaiyang mga lakang ang pipila ka mga celebrities isip kampanya batok sa COVID-19 .. Gipaklap nila ang mga impormasyon kalabot sa virus ug mga safety tips para dili mataptan niini. Pipila kanila nigamit og hashtag nga #LIGTASPILIPINAS.