Ronnie, mi-duty na

CEBU, Philippines — Usa ang singer nga si Ronnie Liang sa mga  military personnel nga ni-duty kagahapon kun  diin usa sa iyang tahas  mao ang paghatod sa   medical front liners ngadto sa ilang mga trabahoan.

Nasayran nga   2nd lieutenant sa  Philippine Army si Ronnie.

“On our way para sunduin and mga doctors and nurses, our front liners laban sa cover 19. Gamit namin and bus ng Army,” suma pa sa iyang IG post. Kahinumdoman nga nahuman ang singer sa iyang   military training niadtong  February 14. 

Alang sa street vendors: Bela nakadawat na og P3.3M nga  donasyon

Gikan sa P1.3  million,  nakadawat og tawag  si Bela Padilla  nga duna pu’y modonar og dugang P2million  hinungdan nga niabot na sa P3.3 million ang nadawat  niya nga donasyon  alang sa gipasiugdan niya nga  fundraising campaign alang sa mga  street vendors nga naapektohan sa gipatuman nga community quarantine didto sa kaulohan.

Ang programa ni Bela gitawag og  "Pagkain para sa Pinoy" ug pipila sa beneficiaries niini mao ang  mga nagtinda  og  taho, dirty ice cream, banana cue  ug uban pa.

Gawas sa kuuwarta, giingong aduna pu’y nipasalig kaniya nga mohatag og mga pagkaon.

Gani ang higala niya nga si Marvin Agustin  nitanyag sa iyang kusina alang sa volunteers nga  motabang og luto .  

Basher  gipalaw  ni Angelika

Mibuwelta  si  Angelika dela Cruz sa  akusasyon sa usa ka  netizen nga matud pa  wala siya’y   gibuhat  isip barangay captain sa  Longos, Malabon City kalabot sa hulga sa  coronavirus disease 2019 o COVID-19.

Hugtanon kini nga gihimakak  ni Angelika ug gitataw niya nga pipila na siya ka adlaw nga naglibot-libot sa iyang mga konsituwente.

Nasayran nga si Angelika mismo ang nangulo   pag-disinfect sa iyang barangay.

Matud pa sa aktres nga wala nagpasabot nga wala siya ni-post og hulagway, wala siya’y gibuhat.

Tungod sa aksusasyon sa iyang basher, napugos siya pag-post sa iyang hulagway samtang naglibot siya sa gialagaran niya nga lugar.

"Ayan isaksak mo Sa baga mo ang pictures ng matahimik ka! TROLL!," suma pa sa aktres .

Giawhag niya ang iyang kritiko nga unta sutaon daan  ang kamatouran sa dili pa kini manaot. 

Wala ka-on air tungod sa COVID-19

Wala  maka-on air   kagahapon  ang  news channel nga CNN Philippines  human nag-positibo sa COVID-19 ang empleyado sa usa  mga  opisina sa usa ka kompanya  nga naa pud sa  building  kun  dii nahimutang ang CNN Philippines.

Gipatuman una sa management samaong building ang gikinahanglan nga  disinfection ug  sanitation.

"The management of the Worldwide Corporate Center along Shaw Boulevard — where CNN Philippines is housed — will be disinfecting the premises after an employee of another office within the building has been confirmed infected.

As a result, CNN Philippines will be off the air for at least 24 hours,” suma pa sa post sa Twitter account sa CNN Philippines,

Nagpadayon hinoun ang paghatod nila og mga balita sa publiko kagahapon pinaagi sa ilang  website ug sa ilang mga social media accounts sama sa  Twitter, Facebook, ug  Instagram .

"We have prepared for this emergency. For more than two weeks, many of our colleagues have been isolated and working from home already.We took that step in anticipation of something like this to happen. CNN Philippines still has a team working to gather stories that matter and to bring them to you as they happen,” dugang statement sa maong network.

Kausaban sa Kapamilya afternoon programs

Mosikad karong March 23  ang pag-ere og balik sa ABS-CBN  sa sikat nila nga teleserye kaniadto nga naglangkob sa  Walang Hanggan nga gibidahan nila ni  Julia Montes ug Coco Martin ; The Legal Wife nga gibitoonan nila ni  Angel Locsin, Jericho Rosales, ug  Maja Salvador ; ug Got To Believe nga gibidahan nila ni  Kathryn Bernardo ug  Daniel Padilla.

Ang nahisgotan nga mga programa ipasalida sa pang-hapon nga oras. Una na nga gipahunom sa ABS-CBN ang taping sa kasamtangan nila nga mga show  gumikan sa hulga sa COVID-19.

Kahinumdoman nga na-usab  na og una  ang programming nila sa pang-gabii nga oras  kun diin gi-ere usab og balik ang 100 Days to Heaven, May Bukas Pa, On The Wings of Love, u gang  iWant original series  nga I Am U. 

Panaghiusa ang panawagan ni Catriona

Nanawagan  si Miss Universe 2018 Catriona Gray sa katawhan nga maghiusa karong panahona  ilabi na nga nag-atubang og dakong suliran ang nasud gumikan sa hulga sa COVID-19.

"I understand many of us don't have the ability to stay home because of the need to go to work to provide for our families and put food on the table," suma pa sa iyang IG post.

Giawhag niya ang iyang followers  nga mag-ampo  alang sa  pagbangon sa nasud.