Mabinantayon kanunay

CEBU, Philippines — Tungod sa hulga coronavirus , doble ang pagbantay  ni Max Collins sa iyang panglawas  ilabi na nga nagsabak siya.

Nakabalik na sa Pilipinas  si Max Collins  gikan sa iyang pagbakasyon sa Australia kauban ang iyang pamilya  ug bana nga si Pancho Magno.

"I guess we really have to educate ourselves and like mag-check online to find out what's going on. It's always better to be prepared," saysay pa niya ngadto sa GMA News.

Heart mihangyo sa publiko

Gidasig ni Heart Evangelista  ang publiko  nga dili unta magpahimulos  ilabi na sa pagpamalit  og mga nag-unang panginahanglanon karong panahona.

Suma pa niya nga duna’y nag-panic buying ug dli maayo ang impact niini.

"Sana magtulong-tulong talaga tayo kasi, lahat tayo, puwedeng maapektuhan nito and it's really growing,"  saysay pa niya ngadto sa  GMA News.

Gihangyo usab niya ang katawhan nga mosunod sa gipatuman  nga guidelines  ug  dili usab mopakatap og fake news.

Gidalit sa TBA Studios

Sa gipatuman nga community quarantine  sa  pipila  ka mga dapit sa nasud ,  nidalit  og libre  ang TBA Studios sa ilang mga pelikula nga gi-upload sa  ilang YouTube Channel.

Kini naglangkob  sa Bliss, Gayuma,  Iisa, Dormitoryo, Patintero,  Matangtubig,  ug Water Lemon.

Puwerting lipaya sa pipila ka netizens gumikan kay usa kini sa mga butang nga  pampawala sa kalaay samtang nagpuyo sila sa tagsa-tagsa nila ka panimalay.

Kasal ni Jinri giuswag

Dili madayon  ang gikatakda nga  kasal nila ni  Jinri Park ug   John  karong weekend   gumikan  nagpadayon nga hulga sa coronavirus disease 2019 (COVID-19) .

"Due to the circumstances we had to cancel our wedding this coming weekend," suma pa sa IG post ni Jinri. .

Hinoun gitataw ni Jinri nga magpadayon ang pagkuha nila sa legal documents sa maong adlaw  apan ang iuswag lang nila ang seremonya.

"An emotional rollercoaster. But at the end of day, I have to look at the bright side and say, hey! At least I had a practice on how to go about a wedding preparation," dugang pa niya.

Nihatag usab siya og mensahe  alang sa  ubang tawo nga  nag-atubang pud og  susama nga  sitwasyon .

"To all the fellow brides out there who are going through the same situation as me, stay strong! I know it’s been stressful months but we now have a story to tell our grandchildren. Stay healthy," niya pa.

Kahinumdoman nga nasuwayan na sa duha ang intimate Korean wedding sa miaging tuig, apan ang kasal nila karong tuiga mao gyud unta  ang opisyal nila nga pagpanumpa sa ilang panaghigugmaay.

Pokwang nanghatag og pagkaon sa frontliners

Nagpadala  og mga pagkaon si  Pokwang alang  sa mga doktor, nurse, pulis ug  sundalo nga nialagad sa nasud luyo sa hulga sa  coronavirus disease 2019 (COVID-19).

Gi-post ni Pokwang  sa iyang Instagram account ang mga hulagway  kun diin makita nga giandaman niya og pagkaon  ang  frontliners batok sa coronavirus.

"Huwag mawalan ng pag-asa. Matatapos din ito. Kapit lang mahal kong kababayan. Lord Jesus will cover us with his holy blood. Trust in him lang," caption pa ni  Pokwang sa mga hulagway nga iyang gi-post.

Nakahuman na sa military service

Nakahuman na sa iyang military service ang sikat nga Korean star nga si Kim Bum nga nisikat og maayo gumikan sa iyang karakter  isip  F4 member nga si So Yi-jung sa  Korean drama  nga “Boys Over Flowers.”

Nisulod  si Kim Bun sa military niadtong  April ug nahuman gyud niya ang mandatory military service   isip public service worker.

“In order to recover, he put much attention into taking care of his health through medication and exercising, but he was assigned to be a public service worker,” suma pa sa statement sa iyang  management nga namantala sa  Korean website nga Soompi.