Uyab ba kaha?

CEBU, Philippines — Nagduda karon ang fans ug followers sa singer nga si Angeline Quinto nga uyab sila sa usa ka lalaki nga may ngalan nga Chris Marcos Chan. Sweet matod pa kaayo og mga comments ug posts ang duha sa ilang nagkadaiyang social media accounts. Giingong na-link na kaniya ang maong lalaki niadtong 2016.

Gikilig ang fans

Nipakilig na sab sa ilang mga fans silang Kristel Fulgar ug Yohan Kim a.k.a "Big Boss" human nihimo og cover sa soundtrack sa sikat nga K-drama nga Crash Landing On You nga nag-ulohan og "Like You." Mao kini ang labing unang song cover ni Kristel nga kauban si Big Boss ug daghan ang gikilig sa duha ug daling gikagubtan ang maong video sa online world.

Pahimagno sa mga anak

Kanunay matod pa nga gipahimagnoan ni Lotlot de Leon ang iyang upat ka mga anak nga silang Janine, Maxine, Jessica, ug Diego nga magmatngon kanunay ug kinahanglan dili mogawas sa ilang balay aron dili mataptan sa COVID-19. “Sabi ko sa kanila, lagi kong paalala, proper hygiene talaga, wash your hands, be sure na kung hindi naman kailangang lumabas, stay home, di ba? Kung hindi naman importante, sa bahay lang,"paambit pa sa aktres.

Melissa nakuyawan

Miangkon ang aktres nga si Melissa Ricks nga nag-antos siya sa anxiety attack o hilabihang kahadlok sa subling pagbalik niya og atubang sa kamera human sa dugay na nga panahon nga wala nidawat og proyekto. Makita karon si Melissa sa Sunday series sa ABS-CBN nga 24/7. “Para na akong ninenerbyos masyado. Hindi ko alam, eh. Para talaga akong magpa-panic attack, yung naiiyak ako sa kaba pag maraming tao, pag may kamera. Kahit ngayon sa taping bawat eksena natatakot pa rin ako, naba-blanko,” sigon pa niini.

Kever lang

Gipaambit sa aktres ug karon politiko nga si Angelika dela Cruz nga wala siya'y pake kung tawgon siya sa uban nga suplada human dili na siya molamano ug mo-"beso" ngadto sa ubang tawo nunot sa hulga sa COVID-19. “Ay wala akong kebs kahit na ma-misinterpret ako! Wala tayo sa situwasyon para intindihin pa kung ano ang sasabihin ng ibang tao. Kaya kong sabihin na, 'Oops, bawal, corona!''Tapos, natatawa na lang sila,"asoy pa ni Angelika.

Tiktok sa newlywed

Gisuwayan sa newlywed Sarah Lahbati ug brother-in-law nga si Raymond Gutierrez ang TikTok dance video. Gipaambit ni Raymond sa iyang Instagram account ang maong video diin makita si Sarah nga nagsul-ob og puti nga dress samtang nagsayaw sa awit nga “U Can’t Touch This (Impozible Remix)” sa American rapper nga si MC Hammer.

Simpatiya sa mga pobre

Nipagawas sa iyang kabalaka ang aktres nga si Rita Avila sa epekto sa gihimong community quarantine sa Metro Manila ngadto sa mga kabus nga Pilipinhon."Sa panahon ng lockdown, kawawa po talaga ang mga mahihirap. Di naman po talaga sila makakakilos agad para proteksyonan ang sarili nila. Kung may mga sobra-sobrang relief goods sa mga bodega ng gobyerno o mga kumpanya o sa bahay natin mag-share po tayo,"pahungaw pa sa aktres.

Makatrabaho gihapon

Nanawagan ang aktor ug karon Congressman sa Quezon City nga si Alfred Vargas nga angayan na gyud i-implementar ang gipanday niyang balaod nga Telecommuting Act, kini aron makapadayon og trabaho ang mga trabahante taliwala sa hulga sa COVID-19. "Habang ang virus ay aktibong kumakalat, tulungan natin ang ating mga manggagawa na nagtatrabaho mula sa kanilang mga tahanan,”asoy pa ni Alfred.

Nakanselar ang concert

Nakanselar ang concert tour ni Sharon Cuneta sa Australia gumikan sa hulga sa coronavirus.   Nasayran nga ubay-ubay na ka mga dagkong event ang nakanselar tungod sa maong virus.

Gihunong una

Gianusyo sa ABS-CBN Films ang temporaryo nilang pagsuspenso sa shooting sa ilang mga gilutong pelikula tungod sa hulga sa COVID-19. Ang ABS-CBN Films naglangkob sa Star Cinema, Black Sheep, Cinebro, ug Cinema One.