Postponed ang Box Office Awards

CEBU, Philippines — Dili mahinayon ang 51st Box Office Entertainment Awards  sa Guillermo Mendoza Memorial Scholarship Foundation nga gitakda untang mahitabo karong Domingo, March 15.

May labot gihapon kini sa hulga sa Covid-19, hinungdan nga nahukman nga isibog lamang una ang pagpahigayon niini ngadto sa wala pa matino nga petsa ug bulan. Sila  Kathryn Bernardo ug Alden Richards unta maoy pasidunggan isip Phenomenal Stars of Philippine Cinema gumikan sa makabungog nga kalampusan sa ilang pelikula nga Hello, Love, Goodbye ubos sa  Star Cinema.

Sila si Aga Muhlach ug  Xia Vigor sab unta ang pasidunggan isip Box Office King & Queen, gumikan sa box-office success sa Philippine adaptation sa Miracle in Cell No.7, ang official entry sa Viva Films sa 45th editionsa Metro Manila Film Festival niadtong  December

“You can look, but  you cannot touch"

Kana maoy giluwatan ni Ivana Alawi alang niadtong adunay mga indecent proposal alang niya.

Suma pa ni Ivana nga nisamot kadaghan ang mga lalaki nga kanunay magpaduding niya karon sanglit sexy man ang iyang imahin.

Usahay dili matud pa niya tagdon. Usahay sab iyang tubagon nga dili sila makapalit niya sanglit dili man siya baligya.

Apan giangkon ni Ivana sa usa ka video nga kaduha na siya giilad og mga lalaki. May higayon pa nga siya maoy nigasto og lalaki kay nahigugma kaayo siya, hinungdan nga siya maoy mupalit og gasoline sa sakyanan niini.

Naggukod-gukod sab matud pa siya og lalaki kaniadto kay hilabihan niyang gugmaha. Gibalikan siya apan giiloiban ra sab.

Apan miklaro hinuon si Ivana nga siya mismo wala pa gyud nagbudhi ngadto sa iyang karelasyon. Matud niya, sa higayon nga aduna siyay uyab, faithful gayud siya ngadto niini.

Dili mahinayon ugma

Dili mahinayon ang pilot episode sa Everybody Sing! sa ABS-CBN ugma sa gabii.

Ang nahisgutang show iya ni Vice Ganda isip hulip sa Gandang Gabi Vice nga nanamilit na niadtong Domingo.

Mismong si Vice ang nipahibawo niini sa It’s Showtime kagahapon. "Sa gitna po ng kasalukuyang public health issue, ipinaabot po ng Everybody, Sing!, ang bagong programa po na ihu-host ko sana sa Linggo, ipinaabot po namin mula sa Eveybody, Sing! na postponed po muna ang pag-ere ng aming pilot episode sa Linggo, sa March 15.

"So, paumanhin na hindi niyo muna mapapanuod ang Everybody, Sing! sa Sunday hangga't hindi pa po kumakalma ang mga pangyayari dulot ng COVID-19.

Kanselado tungod sa Covid

Gikansela ang press conference unta kagahapon alang sa pelikulang Sana All.

Kini kay naka self-quarantine ang bida sa maong pelikula nga si Meg Imperial sanglit gikan siya og Japan,diin nag-shooting sab alang sa pelikulang Steal, nga pagabituonan sab niya kauban si Ella Cruz.

Isip paglikay sa COVID-19, gikansela ang presscon ang presscon ug wala pa matino kun mahinayon ba gyud ang paglugwa niini sa mga sinehan karong March 25.

Kauban ni Meg dinhi ang newcomer nga si  Arvic Tan sa direksyon usab ni Bon Fajardo.

“Harang” ni Ronnie

Giangkon ni Ronnie Liang nga inspirado sa sikat nga Korean series nga Crash Landing On You ang iyang umaabot nga pelikula nga “Harang” kauban sila si Princess Velasco ug Thor Dulay.

“Yes, we are influenced, pero may sariling touch si Direk.

“I’m so excited to flex my acting ability. Hindi naman nawala iyung pag-arte dahil marami akong support roles sa mga pelikula ng Viva Films, pero iba ngayon dahil lead ulit ito.

“Ibibigay ko ang best ko para sa movie na ‘to.”

Katapusang nagbida si Ronnie sa pelikula niadtong 2014 pinaagi sa movie nga Esoterika diin nakadaug siya og best actor award.

Samtang giklaro ni Ronnie nga comedy ang ilang pelikula nga ubos sa direksyon sa Palanca award-winning writer nga si Njel de Mesa.

Natiming sab matud pa ang iyang pelikula sanglit gawas nga piloto siya, army reservist sab siya.

Batbat ni Ronnie ngadto sa www.pep.ph, pinaagi sa usa ka email interview: “Maganda yung timing ng movie, kasi, katatapos ko lang mag-training bilang 2nd Lieutenant.

“So, sa tingin ko, mapo-portray ko nang maayos yung character ko. Very personal and close to my heart itong role ko...

“The movie is about musicians at kung ano iyong current issues natin ngayon. Marami siyang interesting twists, kasi, may romcom element dahil may secret wedding sa plot.”

“ Sa Imong Mga Kamot “

Usa na usab ka obra-maestra  nga gisuwat ni Andro Banate ang hatagan og buhing pagdula atubangan sa kamera  alang sa  umaabot nga Lenten Drama Special sa CCTN Channel 47.

Nag-ulohan kini   og “Sa Imong Mga Kamot “ nga maghisgot sa kasilag gumikan sa gugma.

Maghulagway usab kini sa kinabuhi sa usa ka batan-ong lalaki kun diin na-expose sa bisan usan nga mga  panghitabo sa iyang palibot.

Kon unsa'y makita sa  iyang mga mata , mao'y husto alang kaniya sanglit mao kini ang iyang nadak-an    Apan ang maong hiwi nga binuhatan adunay  kinutoban. Apan ang pagpuyo ug pagsubay sa katarung, nahimong haw-ang  tungod kay aduna pay mga butang nga kinahanglang mahitabo.

Sugilanon kini sa kausaban ug pagtugyan ngadto sa mga kamot sa labing Balaan. Namugna kini sa huna-huna sa  tagsulat aron kapanaminan sa uban alang sa pagtimaan sa Semana Santa. Ubos kini sa direksiyon ni Star Lormil Cabrera De Gracia ug siya usab ang bida'ng babaye sa maong sugilanon.

Nalakip usab sa maong lenten dram special sila si Karl Gomez ug  Jan Jesrael Kilokilo.  Wala usab nagpaulahi sa listahan sa mga bituon niini mao ang mga banggiitan nga magdudula sa entablado,  radio ug telebisyon nga sila si Mildred Montesclaros Cabrera, Lorte Cabrera, Ea Kenosis Cabrera de Gracia, Jan-jan Lara, Veronica Solis, Ignamie Miso Dan Calan Roche, Joel Monsanto ug Era Tanque.

Samtang si Em Acero Daculan maoy  asssistant director niini.  Ubos kini sa Kenosis and Keara Production. Padayon pa nga giplantsa ang adlaw sa pagsalida niini.