Relax pag may time

CEBU, Philippines — Tua nagpahayahay karon sa Boracay si Janella Salvador kansang mga fans nagpaabot na unsay follow-up project sa loveteam nila ni Joshua Garcia. Ang chemistry sa duruha nasukod human sila nagpares sa toprating teleserye “The Killer Bride.”

“Treasure yourself”

Caption ni Heart Evangelista niining maong hulagway niya sa IG: "Treasure yourself every single day." Apan nabahin ang reaskyon sa netizens. May mga nipakpak kang Heart, apan aduna usay misaway gumikan kay dili na matud pa angayang mag-ingon ini si Heart sanglit asawa siya og kanhi senador nga karon gobernador.

Dili pa ipakita

Gibutyag ni Solenn Heussaff nga ang rason nganong wala pa siyay gi-upload nga hulagway sa iyang anak nga si Thylane mao nga buot una niyang ma-enjoy ang ilang anak nga sila-sila lang ug walay mga negatibong reaksyon gikan sa publiko. Kini kay may mga nangutana matud pa niya kun bati ba og nawong ang bati, abnormal ba ug bisan unsa na lang, hinungdan nga wala niya kini ipakita pa.

Manganakay na

Thirty-eight weeks na ang gisabak ni Anne Curtis busa gipaabot nga ugma-ugmaon na lang ug ihimugso na niya ang iyang baby girl nga unang anak nila ni Erwan Heussaff. Daghang na insecure kay gwapa gihapon kaayo matud pa si Anne nga nagmabdos.

Baby Michaela

Apan si Ethel Booba, gipakita na ang anak pinaagi sa usa video nga iyang gi-upload sa social media. Michaela ang ngalan sa bata, nga gitawag ni Ethel og “Little Booba”. Anak kini nila sa iyang non-showbiz partner nga si Jessie Salazar nga nahimugso duha ka mga semana na ang nilabay.