Antoinette ug Dan engaged na!

CEBU, Philippines — Gianunsyo sa Cornerstone Entertainment  nga engaged na  ang  writer ug direktor  nga sila si  Antoinette Jadaone ug Dan Villegas.

“Just before the love month ends! Congratulations to the newly engaged couple, our amazing directors. Love is truly in the air! Greetings from your Cornerstone Family,”  suma pa sa IG post sa Cornerstone .

Kahinumdoman nga nagsugod ang ilang relasyon niadtong  sa dihang nagkauban sa trabaho Star Cinema movie nga  “Bakit Hindi Ka Crush ng Crush Mo”.

Nagkauban usab sila sa pagama sa  mga pelikulang  “That Thing Called Tadhana”, “The Breakup Playlist”, “Never Not Love You”, ug  “Alone/Together”. 

JC, nadisgrasya sa basketball game

Nalandig sa  usa ka tambalanan  Quezon City   ang aktor  nga si JC de Vera  niadtong Dominggo  huma nadisgrasya samtang nagduwa og basketball.

Gipaubos si JC sa operasyon     ug  maglisod pa kini og lakaw hinungdan nga dili pa siya katikang sa mga commitment niya sa showbiz karong panahona.

Giingong na-injure  ang  tiil sa aktor  ug wala na niini gidetalye ang kinatibuk-ang  istorya  sa maong insidente.

Erich ug Arjo suwayan

Sa labing unang higayon, magpares sa usa ka pelikula ang Kapamilya stars nga sila si  Erich Gonzales ug  Arjo Atayde.

Nag-ulohan  ang maong proyekto og   “Di Tayo Bagay” .

Si Joel Ferrer  ang direktor sa maong pelikula nga pagabitoonan usab nila ni  Joel Torre, Dino Pastrano, Chanel Morales, Karina Bautista, Aljon Mendoza, ug Miko Gallardo.

Usa kini ka romantic –comedy nga i-produce sa Regal Films.

“Tala” ni Sarah naka-100M views na!

Tumang kalipay ang gibati karon ni Direk   Paul Basinillo gumikan kay padayon nga gipistahan ang awit ni Sarah Geronimo nga  “Tala” .

Nasayran nga niabot  og kapin sa   100 million views  ang  music video niini sa YouTube.

“First of all I feel very honored and privileged for being chosen to direct this project. I remember three years back that I almost missed this opportunity due to schedule problems,” saysay pa sa  director ngadto sa PUSH.

Niadtong 2015 gigama ang maong video  ug   kauban ni Sarah  ang  G-Force .

“Sarah and I were doing multiple TV Commercial projects at that time for different clients and we couldn't find a common time. Luckily, our schedules matched together with G-Force and the rest was history,” dugang pa sa direktor.

Nisaka og samot ang popularidad niini human pipila ka mga dagkong  personalidad  ang nagmugna usab og cover  video niini.

Malipayong gipahibalo  ni Direk Paul nga duna pa sila’y  upcoming project ni  Sarah ug nagpanikad na siya niini.

Nauyonan sa ginikanan

Nisamot ka-blooming si Gabbi Garcia gumikan kay  aprubado sa iyang ginikanan  ang  relasyon nila ni Khalil Ramos.

Suma pa  ni  Gabbi nga suportado sa iyang ginikanan ang mga butang nga iyang sudlan , basta dili lang makadaot kaniya.

Dili usab  motoo si Gabbi sa isulti sa ubang tawo nga makadisturbo sa career kun mosulod og usa  ka relasyon. 

Bag-ong awit sa Ben and Ben

Dugang   hugot song  ang gidalit   karon sa bandang Ben and Ben   ug  kini nag-ulohan og "Sa Susunod Na Habang Buhay".

DIli pa lang dugay, usa kini sa nag-trending nga topic  sa   Twitter Philippines.

Nasayran nga dili na mabangbang ang kasikat sa maong banda. Pipila sa mga sikat niini nga wait mao ang Kathang Isip, Pagtingin ug uban pa. —Sanden J. Anadia

Wedding song

Usa sa gikabisihan karon ni  KZ Tandingan mao ang  pag-compose og Binisaya  nga kanta nga  iyahang ihalad ngadto sa iyang hinigugma nga si  TJ Monterde . Gamiton usab kini isip usa sa ilang wedding song.  Engaged na ang duha niadtong Disyembre sa miaging tuig,

Gidayeg sa mga sundalo

Nakadawat og mga pagdayeg gikan sa mga sundalo  ang bag-ong teleserye sa ABS-CBN nga "A Soldier's Heart.   Sa report sa ABS-CBN News , pipila sa mga nidayeg niini mao sila si Corporal Jovelyn Gonzaga, Captain Jeffrey Buada,ug  Staff Sergeant Joey De Guzman.

Marcelito gihangop

Gidumogan sa bagang dout sa katawhan   ang  singer  nga si  Marcelito Pomoy atol sa iyang  homecoming celebration sa  Calauag ,  Quezon province sa miaging adlaw.   Giabibahan og maayo si Marcelito gumikan kay nakahatag kini og dungog sa ilang dapit.   Kahinumdoman nga si Marcelito maoy  third runner-up sa America’s Got Talent.

"I-Vice Ganda Mo Ko"

Wala kaipsot  ang inahan ni  Vice Ganda nga si  Rosario Viceral gumikan kay nasuwayan usab niin ang  "I-Vice Ganda Mo Ko" . Lingaw kaayo ang duha sa ilang  beauty session.

Giuswag ang concert

Iuswag  ang laing petsa    sa  upcoming major concert ni Gary Valenciano gumikan sa hulga sa  coronavirus (COVID-19).  Gikatakda unta nga mag-concert  si Gary V  karong April 18019 sa  Araneta Coliseum . Padayon pa nga gitun-an sa production  team ang final nga petsa sa maong concert.  Sa Inigkahuman sa  maong concert dinhi sa nasud,  dalhon usab  kini didto sa US ug  Canada .

Dili lalim

Dili lalim modala isip kontrabida sa usa ka proyekto. Mao kini ang gibutyag  ni Lorna Tolentino kin usa sa mga kontrabida sa teleserye ni Coco Martin nga "FPJ's Ang Probinsyano" .

Motigi sa India

Molarga karong adlawa  si Direk   McArthur Alejandre sa Bengaluru City, India gumikan siya ang  official representative sa  peliklang  Kaputol sa 12th Bengaluru International Film Festival.Nalakip ang  Kaputol sa  Asian Competition category.  Sila si Cherie Gil ug Alfred Vargas ang mga bida sa maong pelikula.

It’s Showtime nag-sorry

Nangayo og pasaylo   ang  It's Showtime sa publiko  gumikan sa kasaypanan sa   "Piling Lucky" segment niadtong  February 27, 2020.  Nasayran  nga ginunasyo nga dunay duha ka  jackpot prizes sa maong segment  nga naglangkob sa  P550,000 ug  negosyo package.  Sa dihang nakapili na ang  jackpot player  nga si Ginalyn Canillo og painting, nakuha niini ang  lima ka kilo nga bugas. Sa dihang giablihan na ang ubang paintings nga wala gipili sa player, nigawas nga usa ra ka jackpot prize ang naa, kini mao ang P500,00 ug wala ang  negosyo package.  Sa katapusang bahin sa maong show,  nangayo og pasaylo ang management sa maong show ug nakahukom nga ihatag nila ang negosyo package ngadto  kang Canillo. Ipadayon sa ABS-CBN ang  imbestigasyon sa maong hitabo.

DJ Chacha nanganak na

Nanganak na si   DJ Chacha  ug mapasigarbohon  niya nga gi-post ang hulagway   nga wala naka-filter.  Suma pa niya nga wala siya maghuna-huna sa iyang hitsura, ang labing importante nga gihimugso niya nga himsog ang iyang anak.

Nagpasalamat sa fans

Gisaulog  ni   Alexa Ilacad  ang iyang  20th  birthday niadtong February 26. Duna siya;y selebrasyon niini kauban ang iyang fans.   Gipasalamatan ni Alexa ang iyang fans gumikan sa  wala’y hunom nga suporta kaniya sa tanan niya nga projects.